Syrtqy ister mınıstrliginiń burynǵy jaýapty hatshysy Anarbek Qarashev 10 mln teńge kóleminde para aldy degen kúdikpen qamaýǵa alyndy. Bul jaıynda Tengrınús jazady.
— Sybaılas jemqorlyqqa qarsy is-qımyl ulttyq búrosy Syrtqy ister mınıstrliginiń burynǵy jaýapty hatshysy Anarbek Qarashev qomaqty kólemde para aldy degen kúdikpen ustaldy. Ol jaýapty memlekettik qyzmet atqara júrip, mınıstrlik qaramaǵyndaǵyndaǵy uıymdardyń basshylary Sákenov, Núrekenov, Jumasanovtyń zańǵa qaıshy áreketterin jasyrǵan. Ol áreketi úshin Qarashev zańsyz syıaqy alyp otyrǵan. Onyń kólemi 10 mıllıon teńgeden kóp, - dep málimdedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın.
