2025 jylǵy 8 qyrkúıekte Almaty oblysy Eńbekshiqazaq aýdandyq Qazaqstan halqy Assambleıasynyń İ sesıasy ótti. İs-sharaǵa memlekettik organdardyń ókilderi, etnomádenı birlestikterdiń jetekshileri, QHA músheleri men jastar qatysty.

Sesıa barysynda aýdan ákimi, aýdandyq QHA tóraǵasy Talǵat Eskendiruly Baıedilov Qazaqstan halqy Assambleıasynyń XXXIV sesıasynda Memleket basshysy júktegen tapsyrmalardyń oryndalý barysy týraly baıandama jasady.

Sonymen qatar, QHA músheleri – oblystyq Analar keńesiniń tóraǵasy Gúlnar Saǵatqyzy Joshybaeva, aýdandyq Aqsaqaldar keńesiniń tóraǵasy Talǵat Smaǵululy Muqashev, «Vaınah» sheshen-ıngýsh etnomádenı birlestiginiń ókili Zoıa Kaısarovna Magamadova, aýdandyq orys etnomádenı birlestiginiń tóraıymy Irına Nıkolaevna Tarkova, sondaı-aq Assambleıa jastarynyń múshesi Mýrat Iashaevıch Najıpov óz baǵyttary boıynsha jobalar men bastamalardy tanystyrdy.

Kezdesý aıasynda qoǵamdaǵy kelisim men birlikti nyǵaıtý, jastardyń belsendiligin arttyrý jáne etnomádenı birlestikterdiń jumysyn qoldaý máseleleri talqylandy