Eńbek jáne halyqty áleýmettik qorǵaý mınıstrligi Qazaqstandaǵy ortasha zeınetaqy mólsherin jarıalady.
Mınıstrlik málimetinshe, jyl basynan beri qazaqstandyqtarǵa 3,1 trıllıon teńgeden asa zeınetaqy tólengen. Onyń ishinde bazalyq zeınetaqy tóleýge 1 trıllıon 22,1 mıllıard teńge, yntymaqty zeınetaqy tóleýge 2 trıllıon 136 mıllıard teńge qarastyrylǵan.
1 qazandaǵy jaǵdaı boıynsha zeınetkerler sany - 2 mıllıon 510 myń adam.
"1 qazandaǵy jaǵdaı boıynsha respýblıkalyq búdjetten tólenetin jıyntyq zeınetaqynyń ortasha mólsheri - 142 810 teńge, onyń ishinde yntymaqty zeınetaqy mólsheri - 95 249 teńge, bazalyq zeınetaqy mólsheri - 47 561 teńge", - dep jazylǵan habarlamada.
