Astanada eldi eleń etkizgen tórt jas ananyń ólimine qatysty saraptamaǵa  sheteldik mamandar aralasýda. Izraılden arnaıy Elordaǵa kelgen dárigerler qaladaǵy jaǵdaımen jiti tanysypty. Ázirge bul oqıǵanyń naqty qortyndysy tek 20-tamyz kúni belgili bolmaq. Al anasynan qapıada aıyrylyp qalǵan tórt sábıdiń jaǵdaıy qalaı? Dárigerler áli esin jımaǵan nárestege qatysty qandaı boljam jasap otyr? Bul týraly Eýrazıa birinshi arnasy habarlaıdy.

Súıgen jarynan kóz jazyp qalǵan Sapar Ámirtaı eki aıdan beri №1 Perınataldyq ortalyqta jatqan perzentiniń densaýlyǵyna alańdaýly. Sebebi, náreste 50 kúnnen beri esin jımapty. Ázirge dárigerler balany úsh saǵat saıyn tamaqtandyryp, jórgegin aýystyrýǵa ruqsat bergen. Biraq, qyz balanyń saýyǵyp ketýine qatysty eshqandaı boljam jasaı almaı otyr,- deıdi. 

«Qazir oǵan eshqandaı dáriler eshteńe egip jatqan joq. Óıtkeni osy perınataldy bolnısanyń glav vrachtary da, eshqaısysy da ózgeris bolady dep, qashan oıanady, ne isteıtinderin olar áli birde-bir sóz aıtqan joq. Qasymyzǵa eshqaısysy kelgen joq. Mysaly daje Izraılden kelgen mamandar birinshi tiri adamdy oılaý kerek qoı, balany oılamaı, kóz jumǵan analardy ǵana oılap, sonymen ǵana kelisip, munda kelip júr» - deıdi marqum bolǵan kelinshektiń kúıeýi Sapar Ámirtaı.

Al qoǵamdyq densaýlyq saqtaý basqarmasy  birinshi balanyń nevrologıalyq patalogıamen áli perınataladyq ortalyqta jatqanyn rastaıdy. Onymen qosa, anasynan kóz jazyp qalǵan taǵy bir búldirshinniń jaǵdaıdy aýyr eken. Ázirge olardyń qashan úılerine shyǵarylatyny belgisiz. 

«Jalpy sábılerdiń jaǵdaıyna keletin bolsaq, birinshi  kóz jumǵan jas ananyń náresetesi nevrologıalyq patologıamen áli  perınataldyq ortalyqta jatyr. Onyń hali  ortasha aýyr. Ekinshi jáne tórtinshi sábı úıine shyǵarylǵan. Al úshinshi bala áli №1 perınataldyq ortalyqta. Onyń hali ortasha, turaqty desek bolady. Eki sábı de dárigerlerdiń jiti baqylaýynda» - deıdi qalalyq qoǵamdyq densaýlyq saqtaý basqarmasy basshysynyń orynbasary Álıa Rústemova. 

Elordada bosaný kezinde kóz jumǵan tórt áıeldiń ólimin Izraılden kelgen mamandary da zerttep kórgen. Olardyń boljamynsha jańa bosanǵan kelinshektiń tórteýin de aman alyp qalý múmkin emes eken. Sebebi, jas analardyń bári potalogıamen túsken. 

«Ókinishke qaraı ony aldyn alý múmkin bolmady. Tipti, bizdiń elde týra osyndaı jaǵdaıǵa tap bolýshy edik. Sondyqtan da aldaǵy ýaqytta mundaı jaǵdaı qaıtalabas úshin aldyn alý sharasyn qolǵa alǵan jón» - deıdi sheteldik sarapshy Natalá Meleh-Hedvat (Izraıl).

Aıta keteıik, jyl basynan beri elimizde 31 sábı dúnıe esigin asha sala, anadan jetim atanǵan. Sońǵy jaǵdaı kúni búgin ǵana Aqmola oblysynda tirkeldi. Munda 25 jastaǵy júkti kelinshek dárigerlerdiń salǵyrttyǵynan kóz jumdy. Búginde atalmysh oqıǵaǵa baılanysty sot  medısınalyq tekserý jumystary júrgizilýde.

"Dárigerlerdiń qolynan sol bala ólip otyr.  Sebebi qan ketip, bir keshte eki narkoz berdi. Ylǵı jas medıkter otyrady. Kompúterden bet almaıdy. Eshqashan eshkimdi qolyna alyp emdemeıdi. Ózimiz úsh kúnnen beri ózimiz bilmeı otyrmyz sap-saý júrip qalaı ortamyzdan ketip qalǵany» - deıdi marqumnyń anasy Aısha Beısenbaeva.

«Álem boıynsha júktilik pen bosaný kezindegi túrli keleńsiz jaǵdaılardyń aldyn almaǵan úshin kún saıyn 830  áıel  kóz jumady eken. Mamandardyń aıtýynsha, analar óliminiń 75 paıyzy joǵarǵy qan qysymy, bosaný kezindegi qan ketý men túrli juqpaly ınfeksıalardyń áserinen bolady. Sondyqtanda kez kelgen áıel júktiligine asa muqıat bolǵan abzal, deıdi olar».