«Predkı,

V boıý podderjıte mená pod myshkı.

Odınokoe derevo ne oboıdý.

Ia poveshý arkan

na krıvom sýký.

Ia ne pervym –

V poslednem boıý ýpadý.

Kto ne znaet moıý zolotýıý saký?..»

Oljas SÚLEIMENOV.

İ.

Oljastyń sózi – orys,

Ózi – qazaq!

Tamyryna tanymy,

Tereń, taza-aq...

Oljastyń oıy – orys,

Soıy – qazaq!

Boılaı almas teksiziń,

Oıyna sap...

Oljastyń tili – orys,

Jyry – qazaq!

Aljastyq ulymyzdan,

«Ury» jasap...

Oljastyń jurty – orys,

Ulty – qazaq!

Talanty men talǵamy,

Turqy qazaq.

Oljastyń «jany» – orys,

Qany – qazaq!

Qazaqtyq qun suıylar,

Tanymasaq?!.

Oljastyń tóri – orys,

Tóli – qazaq!

Qypshaqty aspandatqan,

Bóri qazaq.

Oljastyń jary – orys,

Bary... – qazaq!

Jýsannyń ısi sińse,

Bári qazaq!

İİ.

Árbir joly...

silkilegen jyr myna...

(Ýáj aıtpa –

Bura tartar...

syrǵyma...)

«Aq shalǵydan aýnap túsken ornyna,

Shóptiń ıisi kelsin deseń murnyńa...»

Naǵyz qazaq...

Tulpar minez tebinip...

Atoı salar shep te buzyp...

sheginip...

«Shól dalaǵa aıdyń nury tógilip,

Býralar júr ingenderge eminip...»

İİİ.

...Oljaǵam oıda týdy orys basqan...

(Oıpańda oıly-oısyz shalys basqan...)

Jasynan jat-jadaǵaı byldyr shyǵyp,

(Eriksiz esil tilden...

«alys qashqan»...)

Tunyqsyz...

tumandanyp turady eles.

Saıasat...

Daryndynyń suraǵy emes.

Sergeldeń, sartap kezeń úkimi úshin,

Eshkimniń jeke basy... –

Kináli emes!

Ádilet... –

azap soqpaq...

Uzaǵyn-aı...

Aýysar qyzaryp Kún, qyzaryp Aı!

Qypshaqta til bezegen bilgirler kóp,

Ulyqsyń...

quryǵy uzyn, uzanym-aı!

Nar kókem!

Ór keýdeli, erkek tekti.

Baıansyz, bereksiz ter tókpepti.

«Sóz basy...

Qypshaqtardyń enshisi» – dep,

Ormannyń bar ǵylymyn órtep ketti...

(Syrǵaqtyń jaldaý-jany jylymaǵan,

Belgili qubylmaly syry maǵan...)

Oraı taýyp Jaratqan...

ormansyz-aq,

Yrysy yńyranar Uly Dalam!

Kóneniń kósem sózi –

jarqyn bata.

Alqaýǵa qandyrǵanda alqymdata!

Ananyń tili sińgen qan-janyna,

Ár qazaq... –

Jarqyraǵan altyn saqa!

...Altyn saqa – alashtyń eskergeni...

(Aldy – jón, arty – soqpaq...

Des bergeni...)

Súringendi súıegen... –

serke qylyq,

Keshirim...

Qulatpaǵan esh pendeni!

 Myńjan Baıjanın,

18 mamyr 2018 jyl.