Bir jyl buryn Nurymbet Saqtaǵanov Shyǵys Qazaqstan oblysynyń ákimi qyzmetine taǵaıyndaldy. Ataýly kúnge oraı, SHQO ákimdiginde atqarylǵan jumystardyń qorytyndylary jarıalandy.

Jalpy óńirdiń negizgi damý baǵyttary boıynsha oń dınamıka tirkelgen. Investısıalar kólemi 5,2%-ǵa, qurylys jumystary 9,3%-ǵa, saýda 8,5%-ǵa, aýyl sharýashylyǵy 2%-ǵa artqan. 407 myń sharshy metrden astam turǵyn úı paıdalanýǵa berildi. 29 000 jumys orny qurylsa, onyń 22 myńy – turaqty jumys oryndary.

Oblys ákimdiginiń málimetinshe, qazirgi ýaqytta jalpy quny 60,4 mlrd teńgeni quraıtyn 8 iri ınvestısıalyq joba júzege asyrylýda.

Infraqurylymdy jańǵyrtý jumystary jalǵasýda: 856 shaqyrym jol jóndelip, Zaısan men Katonqaraǵaıda áýejaılar salynýda. Aýyldyq jerlerde 36 medısınalyq nysan ashyldy.

SHQO sport salasyndaǵy kórsetkishterin de nyǵaıtýda – bir jyl ishinde 3,6 myńnan astam is-shara ótkizilip, sportshylar alty myńǵa jýyq medal ıelendi.

Baspasóz qyzmetiniń resmı aqparatynda kórsetilgendeı, ákim ınvestorlarmen jalpy somasy shamamen 800 mlrd teńge bolatyn 67 kelisimge qol qoıǵan.

Ákimdikte bul Saqtaǵanovtyń bir jyldyq qyzmetinde júzege asyrylǵan bastamalardyń bir bóligi ǵanan ekenin atap ótti.