Barak Obama júıesi álemdegi №1 lańkes atanǵan  Ýsaba ben Ladendi qurtsa, Donald Tramptyń barlaýshylary taǵy qaýipti terrorıst Djamal Ahmad Muhammad  ál-Badavıdiń kózin joıdy. Osydan birneshe kún buryn Aq úı qojaıyny Tramp óziniń Tvıtterdegi jazbasynda ál-Badavıdiń óltirilgenin málim etti. Ýsama ben Ladennen keıin qaýipti lańkes atanǵan ony AQSH júıesi sońǵy on jyldan beri izdep júr.

–Biz kezinde «Koýl» kemesine shabýyl jasaǵan qaýipti lańkestiń kózin joıdyq. Aldaǵy ýaqytta da  «ál Kaıda» uıymyna qarsy jumysymyz jalǵasa túsedi. Biz radıkaldy ıslam uıymynyń kózin joıyp, álemge tynyshtyq ákelýimiz kerek»,– dep málimdedi  Donall Tramp.

AQSH barlaýshylary  sońǵy on jyldan beri Djamal Ahmad Muhammad  ál-Badavıdiń izine túsken. 2000 jyldyń 12 qazany kúni «Koýl» kemesine  shabýyl jasaǵan ál-Badavıdiń sodyrlary 17 amerıkalyq teńizshiniń kózin joıǵan. Jarylystyń saldarynan 39 áskerı jaraqat aldy. Odan keıin izin joǵaltqan Badavı Iemen Respýblıkasynda jasyrynyp júrgen. AQSH barlaýshylary  arnaıy operasıany júzege asyrý kezinde onyń kózin joıdy. Ol kólikte jalǵyz ózi kele jatqan. Basqa zardap shekkender joq. Sońǵy 20 jyl ýaqyt boıy ál-Badavıdiń sodyrlary álemniń ár túkpirinde 50-den  astam lańkestik jarylys jasaǵanyn aıta ketý qajet. Onyń qaı jerde júrgeni týraly aqparat bergen adamǵa Federaldyq tergeý búrosy  5 mıllıon dollar tikken. 2003 jyly ony Iemen bıligi ólim jazasyna kesken, alaıda túrmeden qashyp ketken onyń qaı jerde júrgeni belgisiz boldy. Aqyry, mine, lańkestiń ózi ajal qushty.

Álemde izdeýde júrgen mundaı lańkester kóp. Onyń birqatarynyń qazirdiń ózinde kózi joıylǵan. Al AQSH Federaldyq tergeý búrosynyń dereginshe, halyqaralyq izdeýde júrgen qaýipti 10 lańkes kim? Sonymen...

1. Ýsama ben Laden. AQSH-tyń memlekettik mekemeleri men ǵımarattaryna shabýyl jasaǵan. Júzdegen adamdardyń ómirin qıǵan. AQSH-tyń Tanzanıa jáne Kenıa elderindegi elshiliginde lańkestik áreket jasap, sonyń saldarynan 200 adam opat bolǵan. 2011 jyldyń 2 mamyrynda Ýsama ben Laden óldi. AQSH-tyń barlaý qyzmeti jasyrynyp jatqan jerin taýyp,  áýeden soqqy jasaǵan.

2. Aıman ál-Zavahır. Mamandyǵy -dáriger. «Egıpet Islam djıhady» uıymyn qurǵan adam. Onyń sodyrlary júzdegen adamdy qurban etti.  1998 jyldyń 7 tamyzynan beri izdeýde júr. Aıman ál Zavahırdiń qaıda júrgeni týraly aqparat bergen adamǵa 25 mıllıon dollar ýáde etilgen.
3. Adam Gadan. Kalıfornıada týylyp, jalpaq jurtqa Azzam ál-Amrıkı degen atpen belgili bolǵan ol lańkestik uıym qurǵan. Federaldyq tergeý búrosynyń dereginshe, AQSH bıligine memlekettik opasyzdyq jasaǵan adam. 2006 jyldan beri halyqaralyq izdeýde júr. Gadannyń basyna 1 mıllıon dollar tigilgenin aıta ketý kerek.
4. Danıel Andreas San Dıego. 2003 jyldary AQSH-tyń Kalıfornıa shtatyndaǵy eki úlken záýlim ǵımaratqa jarylys jasaǵan. Onyń qaıda júrgeni belgisiz. FBR ony tapqan adamǵa 250 myń dollar berýge ýáde etken.
5. Fahd Mohammed Ahmed ál Kýso. AQSH-tyń azamattaryn, áskerı qyzmetshilerin óltirip, álemniń birqatar elderinde jarylys jasaǵan. 2000 jyldyń 12 qazanynda Iemenniń Adan portynda lańkestik áreket uıymdastyrǵan. Onyń basyna 5 mıllıon dollar tigilgen.
6. Djamel Ahmed Mohammed Álı ál Badavı. Bul lańkes týraly joǵaryda jazdyq. 2003 jyly Iemen bıligi ustaǵanymen, ol 2006 jyly qoldaýshylarynyń arqasynda  abaqtydan qashyp shyǵady.
7. Mohammed Álı Hamadeı. «Hezbolla» lańkestik uıymynyń belsendi múshesi. Ushaqta, jerde, poıyz ben ǵımarattarda kepildikke adam ustap, birneshe ǵımaarattardy jarǵan. Sonyń saldarynan júzdegen adam opat boldy..
8. Álı Atva. Ol da «Hezbolla»  uıymynyń belsendi múshesi. Álemniń ár túkpirinde jarylystar jasaǵan. 1985 jyldyń 14 maýsymynda ol sodyrlarmen birge avıalaınerdegi jolaýshylardy kepildikke alǵan. Onyń da basyna 5 mıllıon dollar tigilgen.
9. Hasan Izz ál Dın. «Hezbolla» lańkestik uıymynyń múshesi. Búgingi kúnge deıin qaıda júrgeni belgisiz. Ol týraly aqparat bergen adamǵa AQSH-tyń Federaldyq búrosy 5 mıllıon dollar berýge ýáde etken. Afınadan Rımge ushyp shyqqan ushaqty basyp alǵan. Ondaǵy adamdardy kepildikke alyp, Beırýtke qonǵan. Osy kezde ushaqtaǵy birneshe adamdy atyp ketken. Sonyń saldarynan ondaǵan adam ólip, jaraqat alǵan.
10. Abdýlla Ahmed Abdýlla. AQSH-tyń birneshe azamatyn óltirgen, birneshe ǵımarattarda jarylys jasaǵan. AQSH-tyń Tanzanıa jáne Kenıadaǵy elshiliginde 1998 jyldyń tamyz aıynda jarylys uıymdastyrǵan. Búgingi kúnge deıin qaıda júrgeni belgisiz. Onyń da basyna 5 mıllıon dollar tigilgen.