Kúsh atasy – Qajymuqan atamyzdyń  ómirinde tórt ret úılengeni belgili. Al besinshisi...Fransıada fransýz áıelinen týǵan urpaqtary bar eken.  Ol týraly sál keıin.

          Qajekeńniń birinshi áıeli – Bátıma. 16 jastaǵy Bátımaǵa 1909 jyly úılengen. Bátımanyń shyn esimi – Nadejda Nıkolaevna Chepkovskaıa. Sırkte attyń qulaǵynda oınaıtyn bıshi bolǵan. Nekeleri Omby meshitinde qıylyp, musylmansha esim alǵan. 1966 jyly qaıtys bolǵan. Bátımadan 1910 jyly Qajekeńniń Halıollla degen uly týady. Odan jeti nemeresi  taraıdy.

 Ekinshi áıeli – Yrysty Tynymbaıqyzy. Yrystyǵa 1925 jyly úılengen. Odan úsh qyzy taraıdy.

 Úshinshi áıeli – Múnáıim. Oǵan 1938 jyly úılengen. Múnáıimnen 1939 jyly  Aıdarhan degen balasy týady.

         Tórtinshi áıeli – Aıshagúlden  1948 jyly elge belgili jattyqtyrýshy bolǵan Janábil degen balasy týady.  Qajymuqan ol kezde 77 jasta bolǵan. Janábildiń balasy – belgili kompozıtor, ánshi Baqytjan Qajymuqanov .

          Balýan atamyzdyń basqa da áıelderi boldy ma, biz bilmeıtin urpaqtary bar degen suraqqa, marqum qajymuqantanýshy Qalıákpar Ámirjanovtyń bylaı degeni bar: 

   «Árıne, palýan aǵamyz jas boldy, mas ta bolýy múmkin. Óz kózimizben oqyǵanymyzdy, óz qulaǵymyzben estigenimizdi nesine jasyramyz. 1960 jyly Qyzylordaǵa Moskva sırki kelip, ondaǵy Nıkolaev degen palýan ózin Qajymuqannyń balasymyn dep jarıalaǵanda, halyq nópiri otyz kúndeı sırktiń aldyn bermeıdi. Bul qazaq halqynyń batyry Qajymuqan Muńaıtpasovqa degen qurmet, úlken iltıpat bolatyn. 2005 jyly maýsym aıynda Ombydaǵy sırktiń dırektorynyń orynbasary bolyp isteıtin, ózi bala kezinen sırktiń arenasynda qyzmet istegen Evgenıı Iýrevıchpen kezdestim. Onyń aıtqany:

– 1960 jyldary bolý kerek. Bizge bir aıdaı jyl saıyn kelip-ketip bilek kúshimen (sılovık) oıyn kórsetip júrgen Gerasımov: «Men Qajymuqannyń balasymyn, osy Omby oblysynda turatyn meniń aǵaıyndarym bar dep, Sharlaq, Rýsskaıa polána, Drobyshev (Novovarshavka) aýdandaryna suranyp, aptalap baryp turatyn. Bul áńgimeni sol jyldary elge (Omby oblysyna) amandyq-saýlyq bilýge baryp júrgende men de estigenmin. Jaıyqbaı degen meniń joldasym: – Eńgezerdeı bir orystyń jigiti kelip, sheshemniń aıtýy boıynsha, meniń shyn ákem Qajymuqan dep ádeıi izdep keldim degennen keıin, el bolyp qarsy aldyq, mal soıyp, Qajymuqan arýaǵyna as berdik degen edi.

Al endi «Karavan» gazetiniń 2009 jylǵy №15, 10 sáýirdegi sanynda Qajymuqannyń Aıdarhannan týǵan nemeresi Shattyq:

– «1996 g. my k svoemý ýdıvlenıý polýchılı prıglashenıa ız Fransıı, gde kak vyıasnılos ý Kajymýkana ostalıs detı ot jeny fransýjenkı. Onı prıglasılı nas prıehat, no otes (Aıdarhan), kak chlen partıı naotrez otkazalsá ehat «k býrjýıam» ı bolshe my sváz s nımı ne podderjıvalı» deıdi. Qajekeńniń balalarymyz dep júrgen azamattar múmkin jalǵan da bolar, biraq Qajymuqan degen atynyń ózi jalǵyz qazaq halqynyń maqtanyshy emes, basqa da ulttardyń ókilderi bul esimdi maqtan etip, atyn shyǵarý úshin paıdalanǵan ǵoı degen de oı keledi. Onda turǵan ne bar? Fransýz ımperatory Napoleonnyń nemeneleri Reseıdegi II Nıkolaıdyń, Keńes Odaǵyn basqarǵan Stalınniń shóbereleri Eýropa, Azıada emis-emis tabylyp jatqan joq pa? Bizdiń Qajymuqannyń olardan kem bolmaǵany baıqalyp-aq tur».