Aqshany kúndelikti ómirde durys paıdalana bilemiz be? Psıhologtar men zertteýshilerdiń aıtýynsha —aqsha úlken energıa kózi. Aqshany únemdeý degenimiz ne? Nemese sizdiń aqshaǵa qarym-qatynasyńyz qalaı? Qolyńyzda bar aqshany orynda jumsaı alasyz ba?

Aldymen aqsha sizge ne úshin jáne qandaı maqsatta qajet ekenin bilýińiz kerek.

Ol bireýler  mashına, al bireýler armanyndaǵy úıdi alǵysy kelýi múmkin. Siz osy rette oıyńyzdy durys anyqtap alǵanyńyz abzal.

Aldyńyzǵa maqsat qoıyńyz. Aqsha maqsatsyz jınalmaıdy. Orys halqynda aıtylatyn «na chernyı den» degen oıdan aýlaq bolaıyq. Onyń ornyna  osyndaı aqsha jınasam: shoppıng jasaımyn, shetelge saıahattaımyn, ata-anaǵa syılyq syılaımyn, toı jasaımyn degen sıaqty oılar bolý kerek. Biz óz oıymyzdyń jemisimiz.

Saýdager, kásipker bolsańyz tabysyńyzdy arttyrý maqsatynda birneshe affırmasıa aıtýǵa da bolady. «Meniń tabysym kúnnen-kúnge molaıyp keledi», «Alla meni súıedi, bar jaǵdaıymdy jasaıdy» degen sıaqty jaqsy sózder aıtyp júrý kerek. Affırmasıa aıtyp qana qoımaı, is-áreket te jasaımyz. Jatyp alyp «alma pis, aýzyma tús» deseń, eshqashan túspeıdi. Eńbek etpeseń, aqsha da aspannan jaýmasy anyq.

Únemi jaqsy oı oılap, kóterińki kóńil-kúıde júrip, jaman oılardan aýlaq bolý. Ne qalaısyz, ne kıgińiz keledi, qandaı úıde turyp, qandaı mashına mingińiz keledi? Osy nárselerdi oısha elestete otyryp naqty vızýalızasıa jasaý.

Aqsha tazalyqty, dáldikti jaqsy kóredi. Mysaly: dúken satýshysymen eseptesip jatsańyz, ol sizge qatelesip artyq aqsha berip qoısa qaıtaryp berý qajet.

Aqshany únemdeý degenimiz ózińniń bar qajetti dúnıelerińnen bas tartý degen sóz emes. Kerek dúnıelerińdi saralap, ornymen satyp alý. 

Ár aı saıyn otbasy búdjetin júrgizip, kiris-shyǵysty anyqtap otyrý. 

Qoldan kelgenshe qaıyrymdylyq jasaý, sadaqa berý. Bireýge aqsha bere almasańyz, jyly sóılep, kóńilin kóterip, meıirlene qaraý da sadaqaǵa jatatynyn umytpaıyq.

Árdaıym «aqsha joq» degen sózden aýlaq bolý. Mıyńyzdy kedeılikke emes baılyqqa toltyryńyz.

«Erte turǵan adamnyń yrysy artyq» deıdi dana halqymyz. Bul týraly Qasıetti Quranda da «kún shyqqansha uıyqtamańdar» degen aıat bar.

Erte turyp, erte qımyldaǵan adamnyń jumysy ónip, tabysy molaıady.

Kedeılik sanasynan qutylý úshin psıhologıalyq kitaptar oqý da paıdaly.

S. Davlatov "Ia ı dengı. Psıhologıa bogatstva", Djon Keho "Podsoznanıe mojet vse", N. Hıll "Dýmaı ı bogoteı", Q. Shonbaı "Ekinshi bolma" kitaptaryn oqýǵa keńes beremin.

Daıyndaǵan: Ásem Merekeqyzy