Kóbinese jańa otaý qurǵan erli-zaıyptylar bir-birimen túsinise almaı jatady ǵoı. Solarǵa az ǵana laıfhak usynsaq...

Endi, árıne, árkimniń jaǵdaıy ártúrli. Árkim óz jyrtyǵyn ózi jamaǵany jaqsy ǵoı. Degenmen, myna nárse bir paıdańyzǵa jarap qalar.
***
Qurmetti azamattar! (onyń ishinde áke, aǵa, ini, bireýdiń kúıeýi, úıdiń kenjesi - bári bar)
Áıel adamnyń tabıǵaty ózi sondaı, bireýge birdeńe jazyp, ol ony oqymaı qoısa da, áıel ony ýaıymdap, oıynan birdeńelerdi qurastyryp, qasyndaǵylardan: «Saǵan jaýap jazdy ma?» «Maǵan nege jaýap bermeı jatyr?» «Nege?» «Nege?» dep kúıgelektenip ketedi. Sondyqtan osy nársege sál túsinistikpen qarańyzdarshy.
***
Áıelińiz sizge birdeńe aıtsa, basyndaǵy problemasymen bólisse, ol «sen ony sheship ber», «osynyń sheshimin aıt» degen sóz emes. Erkekter ózi sondaı ǵoı, birdeńe aıtylsa, ony sheshýge asyǵyp turady. Sebebi, Alla ony solaı jaratqan. Ol - otbasynyń, áıel, bala-shaǵasynyń baqtashysy. Biraq dál osyndaı sıtýasıaǵa kelgen kezde siz jaı ǵana ony tyńdap, «Aa, solaı ma? Qıyn bolypty» nemese «eshteńe etpeıdi, ótedi de ketedi, men seniń janyńdamyn ǵoı» degen sıaqty sózdermen emosıańyzdy bildirip, ortaqtasýyńyz kerek. Qoldaýyńyz kerek. Áıelge sol da jetip jatyr.
***
Áıelder syrlasýdy jaqsy kóretin halyq qoı. Shaı ishse, eki-úsh saǵat áńgime aıtyp otyra berýden taıynbaıdy. Olar sol jerde álgi problemasyn sheship otyr deısiz be? Joooǵa. Jaı ǵana bir-birine aıtyp, ishindegisin shyǵaryp, emosıasyn aqtaryp qana otyr. Basqa eshteńe emes. Sondyqtan áıelińiz, qaryndasyńyz, jalpy, áıelder qaýymy birdeńe aıtsa, tyńdap, qoldap damytyp jiberseńiz boldy, másele sheshiledi. Birazdan keıin ózi-aq bárin umytyp, kúlip júre beredi.
Al «men saǵan aıttym ǵoı», «óziń ǵoı tyńdamaı qoıǵan» dep ony kinálap ursa bastasańyz, túımedeı nárse túıege aınalyp jaǵdaı ýshyǵyp ketedi. «Sosyn osyǵan ne jetpeıdi?» «Mynaǵan menen ne kerek ózi?» «Ne qyl dep júr?» dep bir-birlerińizdi túsine almaı úıdiń eki buryshynda otyrasyzdar.

Sondyqtan kinálaýǵa asyqpańyz. Er adam kóp nárseni ishinde saqtaı alady, al áıel olaı emes, ol birden shyǵaryp tastaıdy.
***
Al ÁIEL ADAMDARǴA aıtarymyz:
Kúıeýińiz bir isti sheshe almaı, mysaly, qalanyń ishinde jol taba almaı adasyp júrgen bolsa, oǵan «bylaı ǵoı», «anaý osylaı emes pe» dep úıretpeńiz. Ol er adamǵa «sen túk bilmeısiń», «seniń qolyńnan eshteńe kelmeıdi» degen sózben birdeı tıedi. Er adamǵa «sen bilmeısiń be?» nemese «kartany ashyp qarashy» dep ózi kómek suraǵan kezde ǵana aıtý kerek.
▪️
Negizi biz qansha jerden «er men áıeldiń tabıǵaty basqa», «áıelderdi túsinip bolmaısyń» nemese «túúý, osy erkekterdi me?» dep kúıinip, kijinip, ázildep bolsa da, astaryna shyndyq qosyp tıgizip aıtyp jatsaq ta, erli-zaıyptylar Alla jaratqan juptar ǵoı. Sondyqtan olar báribir bir-birimen túsinisedi. Alla áıeldi eriniń qabyrǵasynan jaratty. Olar - bir-birin tolyqtyrýshy. Sol sebepti, keı isterge jaı ǵana sabyr saqtap, ajyrasyp ketpeı, sońyn kútý kerek.

Muhamedjan Tazabektiń instagram-daǵy paraqshasynan alyndy

Usynǵan: Gúlim Jaqan