2019 jylǵy aqpanynan bastap  VTB bank (Qazaqstan) Máskeý bırjasynyń valúta naryǵyndaǵy saýda-sattyqqa tikeleı qol jetkizdi dep habarlaıdy Qamshy.kz aqparat agenttigi banktiń baspasóz qyzmetine silteme jasaı otyryp.

Máskeý bırjasynyń valútalyq naryǵy EAEO múshe-memleketterdiń ıntegrasıalanǵan valúta naryǵynyń eń ótimdi segmentteriniń biri bolyp tabylady jáne oǵan qatysýshylarǵa qoljetimdi quraldardyń keń spektrin usynady.

«Eýrazıalyq ekonomıkalyq odaq (BEJ) aıasyndaǵy qarjylyq ózara is-qımyl aımaqtyń ekonomıkalyq turaqtylyǵyn saqtaý úshin úlken mańyzǵa ıe. BEJ-ge qatysýshy elderdiń valútalyq naryqtaryna qoljetimdilikti keńeıtý - bul eýrazıalyq keńistikte bıznes-baılanystardy nyǵaıtýǵa jáne ózara tıimdi yntymaqtastyqty damytýǵa taǵy bir qadam bolady. VTB (Qazaqstan) Bankiniń aldynda Máskeý bırjasynyń valúta naryǵyna tikeleı shyǵý úshin ashylatyn jańa múmkindikter bizdiń klıentterimizge arnalǵan ónim jelisi men servısti jaqsartýǵa múmkindik beredi», - dep atap ótti VTB bank (Qazaqstan) Basqarmasynyń Tóraǵasy Dmıtrıı Zabello.

Búgin Máskeý bırjasynyń valútalyq naryǵyna Eýrazıalyq ekonomıkalyq odaqtyń bes elinen (EEO/EýrAzEQ) 14 bank tikeleı qatynaý ruqsatyna ıe, onyń ishinde eki halyqaralyq qarjy ınstıtýty: Memleketaralyq bank jáne Eýrazıalyq Damý Banki (EADB). Olardyń jıyntyq saýda aınalymy 2018 jyly 2017 jylmen salystyrǵanda úsh esege ósip, 1,9 trln rúblge jetti.

Qazirgi ýaqytta Máskeý bırjasynyń valúta naryǵynda sonymen qatar «AQSH dollary – Reseı rýbli», «Eýro – Reseı rýbli», «Qytaı ıýani – Reseı rýbli», «Eýro – AQSH dollary», «Gonkong dollary – Reseı rýbli», «Japon ıeni – Reseı rýbli», «fýnt sterlıń – Reseı rýbli», «fýnt sterlıń – AQSH dollary», «Shveısarıa franki – Reseı rýbli», «Shveısarıa franki – AQSH dollary», «Túrik lırasy – Reseı rýbli», «Túrik lırasy- AQSH dollary», «Belarýs rýbli – Reseı rýbli», «Qazaqstan teńgesi – Reseı rýbli» juptary boıynsha saýda-sattyq ótýde. 2018 jyldyń qorytyndysy boıynsha valúta naryǵyndaǵy ortasha kúndik saýda kólemi 22 mlrd AQSH dollaryn qurady.

Usynǵan: Jazıra Baıdaly