El prezıdenti Qasym-Jomart Toqaev kúmis júldeger ıesi Elızabet Tursynbaevany jeńisimen quttyqtady dep habarlaıdy Qamshy.kz aqparat agenttigi.

"Elızabet Tursynbaeva mánerlep syrǵanaýdan álem chempıonatynyń kúmis júldegeri atandy. Tarıhta tuńǵysh ret tórt aınalymdyq sekiris jasady. Jaraısyń! Qazaq sporty jasaı bersin!", - dep jazdy Qasym-Jomart Toqaev óz tvıtter paraqshasynda.

Aıta ketsek, qazaqstandyq mánerlep syrǵanaýshy Elızabet Tursynbaeva Japonıanyń Saıtama qalasynda ótip jatqan álem chempıonatynda kúmis júldege ıe bolyp, mánerlep syrǵanaý tarıhynda eresekter arasyndaǵy saıysta tórt aınalymdyq salhovty sátti oryndaǵan tuńǵysh mánerlep syrǵanaýshy atandy.

Álem birinshiliginiń "altyny" reseılik Alına Zagıtovaǵa buıyrsa, úshinshi oryndy Evgenıa Medvedeva ıelendi.

Usynǵan: Maqpal Sembaı