Qazaq áý bastan «kósh kıesi» degen uǵymǵa bıikten qaraǵan. Arǵyny aıtpaǵanda, osy Táýelsizdikten beri qazaq kóshine qarsy shyqqandardyń ońǵany joq! Ne Kóshi-qon komıtetiniń burynǵy tóraǵasy Qabylsaıat Ábishevtiń kebin kıip keleńsiz kúıge túsedi, ne aqyryn basqa qyzmetke aýysyp «qutylady». Esterińizde bolsa, kúni keshe ǵana «Qamshy» portalynda talqylanyp jatqan «Kóshi-qon máselesi» týraly «Kóshi-qon Zańy týraly kezekti talqy: Elbasy tapsyrdy, depýtattar qoldady, Úkimet nege qarsy?» atty Aýyt Muqıbektiń maqalasy jaryq kórgen bolatyn. Onda Prezıdent tapsyrmasyn Úkimette jasalyp, Májiliste talqylanyp jatqan "Halyqtyń kóshi-qony týraly" Zań jobasyna depýtattar tarapynan aıtylǵan oń usynystarǵa Dáýlet Arǵyndyqovtyń tis-tyrnaǵymen qarsy shyqqany aıtylǵan bolatyn..

Mine, arada eki kún ótkende, Qazaq kóshiniń kólikti bolýyna qulyq tanytpaǵan sol sheneýnik qazmetinen bosady. Arǵyndyqovtyń almasýy da Memlekettik tildi bilmeı memlekettik qyzmet atqarýdyń «qıyndyǵyn», qazaq tilin bilmeı «Qazaq kóshiniń» tizginin ustaýdyń múmkin emestigin bildirse kerek.

Dáýlet Arǵyndyqovtyń ornyna Birjan Bıdaıbekuly Nurymbetov taǵaıyndaldy. Bul týraly «Qamshy» portaly habarlaıdy. Endigi úmit jańa basshy – Birjan Bıdaıbekulynda. Nurymbetov myrza Elbasy ózi bastaǵan, nátıjesi qazaq tarıhyna altyn árippen jazylatyn «Qazaq kóshiniń» bir buıdasyn ustady. İske sát!!! Birjan myrzanyń qyzmeti «Arǵyndyqovtyń aqyry» emes, «Alashtyń batyry» degen atqa laıyq bolǵaı...

Nurgeldi Ábdiǵanıuly