Kópshilikke "Reketır" fılmi arqyly tanys akter Murat Bısembın taıaý ýaqytta aryqtaýynyń qupıasyn ashpaqshy. Ónerpaz Jelige óziniń eki sýretin saldy. Birinde onyń salmaǵy 158 keli de, al ekinshisinde 95 keli tartatyn kezi túsirilgen. "Meniń transformasıam. Sol jaqta 158 keli, oń jaqta 95 keli. Óz kezinde kóp eńbek ettim. Taıaý arada qalaǵan adamdarǵa keńes aıtýdy josparlap otyrmyn", - dep jazdy akter. Sonymen qatar, akterdiń aıtýynsha, mundaı nátıjege ol eki jyl ishinde qol jetkizipti. Ol salaýatty ómir saltyn ustanýǵa qatysty qazaq jáne orys tilderinde aqyl-keńesterdi daıyndap jatqanyn málimdedi. Onyń aıtýynsha, qazaq tilinde sóıleıtinder úshin mundaı málimet óte az. "Menińshe, qazaq tilinde densaýlyqty kútýge baılanysty málimetter óte az. Bul durys emes", - dedi akter. "Al konsýltasıalarǵa keletin bolsaq, olardy bir júıege keltirip, olardy aqyly etkim keledi, biraq bul keńester qymbat bolmaıdy, - deıdi akter. - Áıtpese bul jumystar kóp ýaqytty talap etedi. Onyń tólem joldaryn oılastyrý kerek. Klıentter úshin yńǵaıly bolatyn joldaryn qarastyramyn".