Shyǵys Túrkistannan ushaq arqyly  Ystambulǵa kelgen  Uıǵyr Túrikteriniń «eńbek ımıgranty» atyn jamylyp, Sırıadaǵy ISHIM  sodyrlary sapyna qosylmaq bolǵandyǵy áshkerelendi. Bul týraly Túrkıadaǵy www.jurnalhaber.com basylymynda Tolga Shardan esimdi jýrnalıstiń «Uıǵyrlarǵa tuzaq» atty maqalasynda jazǵan.

Túrkıa quqyq qorǵaý qyzmetkerleri qańtar aıynan beri júrgizilgen arnaıy operasıasy barysynda Sırıaǵa zańsyz ótpek bolǵan 400 uıǵyr azamatyn quryqtaǵan.

Túrkıalyq jýrnalıs Tolga Shardannyń «MİLLİYET» gazetinde jarıalanǵan maqalasynda, «shyǵys túrkistandyq uıǵyr  azamattaryn arnaıy  soǵys taktıkalaryna mashyqtandyryp, Túrkıa terıtorıasy  arqyly Sırıadaǵy sodyrlar qataryna  jóneltýdi uıymdastyryp kelgen azamattar quryqtaldy», dep jazady.

Jıhadshylardy uıymdastyrýshylar 400-ge jýyq uıǵyr-túrikterin shekaradan zańsyz ótkizý barysynda qolǵa túsken.

Jıhadshylarǵa qatysty memleket ishinde túrli janjaldar órshigendikten, «jıhadshylarmen»kúrestiń jańa formalary qolǵa alyna bastaǵan. Qańtar aıynan beri júrgizilip kelgen operasıa barysynda Eýropanyń birneshe memleketterinen jáne Ortalyq-shyǵys Azıa elderinen Sırıaǵa attanýshylar Túrkıa Respýblıkasynyń terıtorıasy arqyla ótetini málim bolǵan. Jıhadty uıymdastyrýshylardyń sońǵy «soldattary» shyǵys túrkistandyq uıǵyrlar bolǵandyǵy anyqtalǵan.

Byltyrǵy jyly Qytaı halyq Respýblıkasynyń Shyńjań uıǵyr avtonomıasynan kelgen uıǵyr azamattary túrik jeri arqyly Sırıadaǵy ISHIM sapyna attanǵandyǵy belgili. Olar Túrkıadaǵy týystarymyzǵa qonaqqa keldik, shaǵyn bıznespen nemese týrısik maqsatta degen syltaýlarmen Túrkıa aýmaǵyna ótken. Alaıda negizgi maqsattary ISHIM sodyrlarynyń qarasyn kóbeıtý.

Arnaıy organdar júrgizgen operasıalar qorytyndysynda kórsetilgen málimetterge súıensek, qańtar aıynan sáýir aıynyń sońyna deıin Ystambul, Hataı jáne Kılıs oblystarynda   shekaradan zańsyz ótpek bolǵan 20-dan astam dinı ustanymy bólek toptar quryqtalǵan.

Túrik tilenen aýdarǵan Nurgeldi Ábdiǵanıuly