Nur-Sultan men Almaty qalalarynda tótenshe jaǵdaıdy qamtamasyz etý boıynsha 22 naýryz saǵat 00:00-den bastap qalaǵa kirýge jáne odan shyǵýǵa tyıym salynǵan «Jasyl dáliz» bekitilgen. Arnaıy qurylǵan 27 blok bekette polısıa men qorǵanys mınıstrligi qyzmetkerleri eshkimniń qalaǵa kirmeýin, qaladan shyqpaýyn qadaǵalap tur. Qamshy tilshisi Almaty qalasynyń shyǵys, soltústik-shyǵys bóliginen shyǵar joldarǵa qoıylǵan blok-beketterden fotoreportaj ázirledi.

Buǵan deıin Qamshy tilshisi qalanyń batys bóligi Altyn Orda bazary mańyndaǵy blok-bekette qaladan shyqqysy, oǵan kirgisi keletin azamattardyń kóp ekenin jazǵan.

Al Talǵarǵa baratyn tasjoldaǵy blok-bekettegi jaǵdaı birshama tynysh.

Talǵarǵa baratyn trassa boıyna qoıylǵan blok-beket

Qaladan shyǵýǵa ruhsaty bar azamattardyń qujattaryn tekserip, jeke derekterin qaǵazǵa túsirip turǵan mamandar

Munda qaladan shyqqysy keletin de, qalaǵa kirgisi keletin de adamdar kóp emes. Qaladan arnaıy ruhsaty bar kólikterdiń shyǵýyna ǵana ruhsat. Ruhsat medısınalyq jáne sanıtarlyq-epıdemıologıalyq qyzmet kórsetetin azamattarǵa, sondaı-aq jedel iske asyrý men komýnaldyq sharýashylyqtyń, rıtýaldyq qyzmettiń, júkterdiń kez kelgen túrlerin júk jáne tranzıttik tasymaldaýlarǵa, jeke kýálik boıynsha mamandandyrylǵan ınkasatorlyq kólikterge ǵana berilgen.

Almatydan Talǵar aýdanyna qaraı bara jatqan Almatynan kombınatynyń kóligi blok-bekette tur

Qaladan shyǵa almaı turǵan turǵyndar

Blok-beketke kelip, keri qaıtqaly turǵan avtokólik

Qulja tasjolyna qoıylǵan blok-bekettegi jaǵdaı da osyǵan uqsas.

Qulja tas jolyndaǵy blok-beket

Arnaıy ruhsaty bar kólik blok-beketten ótkeli tur

Polısıa qyzmetkerlerinen qaladan shyǵarýyn surap turǵan júrgizýshi

Sanıtarlyq-epıdemıologıalyq bekettiń kezekshiliktegi qyzmetkeri

Qala boıynsha shyǵý-kirýge qoıylǵan shekteý qashan alynatyny ázirge belgisiz. Búginde 57 Qazaqstan azamatynan koronavırýs anyqtaldy. Olardyń 31-i Nur-Sultan, 23-i Almaty, 2-eýi Qaraǵandy qalasynyń, 1-eýi Almaty oblysynyǵ turǵyny.