Kúdikti retinde Natanıel Veltman esimdi 20 jastaǵy kanadalyq ustaldy. Oǵan adam óltirdi, adam óltirýge oqtaldy degen aıyp taǵylǵan. Bul shabýyl Kanada tarıhyndaǵy musylmandarǵa qarsy jasalǵan iri shabýyldardyń biri dep tanylýda.
Polısıa dereginshe, qurban bolǵan adamdardyń bar kinási olardyń musylman bolýynda.
Qaıtys bolǵandar arasynda 74 jáne 44 jastaǵy eki áıel, 46 jastaǵy erkek, 15 jastaǵy qyz bar. Polısıa 9 jastaǵy balanyń jaraqattary aýyr ekenin, alaıda ómirine qaýip tónip turmaǵanyn málim etti. Jaqyndarynyń ótinishi boıynsha qurban bolǵandardyń aty-jóni jarıalanbady.
Oqıǵa ornynda qaıtys bolǵandarǵa arnalyp ımprovızasıalyq memorıal qoıyldy/foto: Reuters
Kóptegen turǵyndar oqıǵadan shok alǵan/foto: Reuters
Polısıa qaza tapqandar men kúdikti arasynda buryn eshqandaı baılanys bolmaǵanyn aıtýda. Kúdikti buryn sottalmaǵan.
Kanada premeri Ontarıo Dýg Ford jaǵdaıǵa alańdaýshylyǵyn bildirip, Tvıtterde "Ontarıoda ıslamofobıa men men ıslamdy jekkórýshilikke jol joq" dep jazsa, premer-mınıstr Djastın Trúdo jańalyqty estip "úreılengenin" málimdegen.
Qala meri de oqıǵaǵa alańdaýshylyǵyn bildirip, qalada qaraly kúnderi eki kúnge týlar túsiriletinin jetkizgen.
Pikir qaldyrý