Búgin saǵat 12:00-den bastap Almatydaǵy Balýan Sholaq atyndaǵy sport saraıynyń mańynda Demokratıalyq partıa bastamashyl toby jáne "Base" youtube arnasy mıtıń ótkizip jatyr. Qamshy tilshisi oqıǵa ornynan fotoreportaj daıyndady.

Alańǵa shyqqan azamattar "Ár januıada baspana bolsyn", "Ata-babamnyń jerin Toqaevqa saýdaǵa saldyrma", "Halyqqa jeńildik jasalsyn",  "Oryndy talaptar oryndalsyn", dep urandatty.

Polısıa men arnaıy jasaq narazy topty sport saraıynyń aldyna jibermeı, Abaı men Baıtursynov kósheleriniń qıylysynda qorshap tur.

"OMON-dar qabyrǵamdy syndyrdy" degen belsendi áıeldi jedel járdem alyp ketti. 

– Men qazir demala almaı turmyn. OMON-dar bir emes eki ret basyp ketti, – deıdi belsendi áıel jedel járdem kóligine ketip bara jatyr.

Ózin "kópbalaly anamyn" dep tanystyrǵan áıel mıtıńke shyqqan belsendilerdi taraýǵa shaqyrdy.