Búgin 28 aqpanda sheteldegi oppozısıoner Muhtar Áblázov jetekshilik etetin Qazaqstannyń demokratıalyq tańdaýy qozǵalysynyń mıtıńi ótedi delingen Almatydaǵy Arbatta polısıa 4-5 adamdy ustady.

Belsendiler aldymen Ortalyq saıabaq mańyna jınalatyny habarlanǵan. Alaıda Qamshy tilshisi ol jaqtan polısıa qyzmetkerleri men beısaýyt júrgen adamdardy ǵana baıqady. Ortalyq saıabaq esigine qulyp qoıylyp, sanıtarlyq jumystar júrgizilip jatqany týraly qaǵazdar ilingen.

Belsendiler baratyn sońǵy núkte retinde belgilengen Arbatta qydyryp júrgenderden bólek tus-tusta birneshe adam turdy. Biraq syrt kózge olar mıtıńke shyqqan adamǵa uqsamaıdy. Qamshy tilshisi sondaı adamdardyń birnesheýin polısıa ustap, avtozagqa salyp áketkenin kórdi. Tilshiniń "ol azamattardy ne úshin ustadyńyzdar?" degen suraǵyna polıseıler "olar mas bolǵan soń ustadyq" dep jaýap berdi.

Ózin Baıjan Bedelov dep tanystyrǵan ustalǵan azamattardyń biri mıtıńke emes, Shamalǵanda turatyn balasy men kelinine bara jatqanyn aıtady.

Qazaqstannyń demokratıalyq tańdaýy Qazaqstanda ekstremıstik dep tanylǵan. Biraq Eýroparlament 2019 jylǵy rezolúsıasynda QDT-ny "beıbit opozısıalyq qozǵalys" dep ataǵan.