Elimizdiń túkpir-túkpirinde Qazaqstan Respýblıkasynyń Ata Zańynyń 25 jyldyq mereıtoıyna oraı merekelik is sharalar uıymdastyrylýda.

Esterińizge sala keteıik, egemendi Qazaqstannyń alǵashqy Konstıtýsıasy 1993 jyly qabyldandy. KSRO qulaǵannan keıin daǵdarys jaǵdaıynda qujat qabyldandy. Konstıtýsıa bas memlekettik organdardy júıelendirýge baǵyttaldy. 1995 jyly jalpy halyqtyq referendým ótti. Referendým barysynda Qazaqstan halqy jańa Konstıtýsıanyń jobasyn maquldady.  Oǵan 8 mıllıonnyń 89,14% daýys berdi. Qujatqa eki márte ózgertýler men tolyqtyrýlar engizildi. 2007 jyly Konstıtýsıaǵa jańa formattaǵy memlekettik qurylym – prezıdenttik-parlamenttik engizildi.

25 jyldyń ishinde Qazaqstannyń Ata Zańyna sáıkes ekonomıka, óndiris, ónerkásip, aýyl sharýashylyǵy, medısına jáne bilim salasy qarqyndy damydy.

Konstıtýsıa kúnine oraı Shyǵys Qazaqstandaǵy barlyq qala men aýdanda merekelik sharalar ótti.

Óńirde «Ata Zań aptasy» aksıasy aıasynda oblystyq prokýratýra, notarıýster palatasy, kásipkerler palatasy men ádilet departamenti quqyqtyq saýaldar boıynsha onlaın-konsýltasıa uıymdastyrdy.

Mádenıet salasynda túrli onlaın-áńgimeler, kitap kórmeleri, tarıh saǵattary men «Konstıtýsıa – bolashaqtyń kepili», «Qazaqstannyń Demokratıalyq Konstıtýsıaǵa deıingi tarıhı joly», «Konstıtýsıa tarıhy – meniń elimniń tarıhy taqyryptary boıynsha elektrondy vıktorınalar ótkizildi.

Besqaraǵaı aýdanyndaǵy 10 kópbalaly otbasy úshin Ata Zańnnyń 25 jyldyq mereıtoıy erekshe esten ketpes kún boldy. Bul kúni olarǵa jańa páterdiń kiltteri tabystaldy.

Oblys jastary arnaıy chellendjdiń kómegimen onlaın vıdeo-chellendj uıymdastyrdy.

S.Amanjolov atyndaǵy Shyǵys Qazaqstan memlekettik ýnıversıteti onlaın rejımde dóńgelek ústel ótkizdi. «Qazaqstan Respýblıkasynyń Konstıtýsıasy: birlik, turaqtylyq jáne órkendeý» degen ataýmen uıymdastyrylǵan dóńgelek ústelge ǵalymdar, sarapshylar, sot ókilderi, prokýratýra jáne basqa memlekettik organdardyń qyzmetkerleri, sondaı-aq oqytýshylar men ýnıversıtettiń stýdentteri qatysty.

Óskemende Konstıtýsıa kúnine oraı «Jas tehnıkter stansasy» atty kreatıvti bilim berý ortalyǵy ashyldy. Sonymen qatar oblys ortalyǵyndaǵy belsendi qala turǵyndaryna «Óskemen qalasynyń qurmetti azamaty» atty tósbelgiler tabystaldy.

Shemonaıha aýdanynyń jastary Voroshılov jáne Ivanovskıı jotalaryna baryp, Qazaqstan Respýblıkasynyń týyn tikti.

Koronavırýs pandemıasyna qaramastan óńirde merekelik sharalar onlaın rejımde uıymdastyrylýda. 

Oblys turǵyndary 2D jáne 3D grafıkasynyń kómegimen, sondaı-aq anımasıa arqyly  «El tiregi, el baqyty – Ata Zań!» atty konsertti tamashalaı alady.

Óskemenniń ortalyq kóshelerinde merekelik kúnge oraı qala turǵyndary tý men kitaptar taratylýda. Budan bólek oblys ortalyǵynda 100 oryndyq balabaqsha qoldanysqa berildi. Atalmysh nysannyń qurylys jumystary jeke ınvestısıa kózderi esebinen salyndy. Sonymen qatar № 49 jalpy orta bilim beretin mekteptiń saltanatty túrde ashylýyn ótkizý josparlanýda. Semeı qalasynda «Ata Zań – el tiregi» atty onlaın konferensıa uıymdastyryldy.

Jalpy aıtqanda, barlyq qala men aýdanda shyǵarmashylyq ujymdar men etnomádenı birlestikterdiń qatysýymen merekelik onlaın-konsertter ótkizilýde.