Jetisý oblysy Aqsý aýdany Balasaz aýylynda 32 jastaǵy Aızat Jumanovanyń kishkentaı qyzynyń kóz aldynda óltirilgeni habarlandy. Bul qaıǵyly oqıǵamen jýrnalıs Sandýǵash Dúısenova óziniń Instagram paraqshasynda bólisti. Qylmysqa kúdikti retinde onyń kúıeýi – Aıbar Janbolat tanylyp otyr,

Týystarynyń aıtýynsha alǵashynda erli-zaıyptylar arasynda janjal bolǵan Keıin bul kıkiljiń birneshe saǵatqa sozylǵan jantúrshigerlik qorlyqqa ulasqan. Kúıeýi áıelin aıaýsyz soqqyǵa jyqqan. 

Sondaı-aq jaqyndary Aızattyń qolyn arqanmen attyń erine baılap, dalada súırep júrgenin aıtqan. 

"Eski ólim salttary sekildi ony baılap súırep júrgen. Denesiniń saý-tamtyǵy qalmady", degen kóz jasyn tyıa almaǵan anasy Saltanat Jumanova. 

Aızattyń kúıeýi – sharýa qojalyǵyn júrgizedi. Onyń iri jylqy sharýashylyǵy bar. Aızat birneshe dene jaraqyn alǵan: tize terisiniń jyrtylýy, saýsaqtardyń shyǵyp ketýi men synýy, sińirdiń úzilýi, teriniń sypyrylyp, qanǵa boıalýy. Bul Aızattyń saǵattar boıy azaptalǵanyn kórsetedi. 

Marqumnyń sińilisi máıitti jýyndyrý kezindegi kórgen sumdyq jaıtpen bólisti:

"Kıimin sheshken kezde jylamaı tura almadyq. Anam sol jerde esinen tanyp qaldy. Denesinde saý jer joq edi. Bir de bir…", deıdi Aızattyń sińilisi. 

Al tátesi Raýshan Dáýrenbekova Aızattyń saǵattar boıy azaptalǵanyna senimdi. 

"Ózim 30 jyl feldsher bolyp istedim. Mundaı jaraqattar qulaý ne tóbelesten bolmaıdy. Bul jerge súırelgennen qalǵan", degen ol. 

Aızattyń jaqyndaǵy qorqynyshty oqıǵanyń kýási bolǵan 2 jasar qyzdyń áli psıhologıalyq shokta ekenin aıtty.

– Eshteńe aıtpaıdy, tek basyn ustap alyp, «mama, mama» dep kúbirleı beredi. Kóleńkeden qorqady, túnde uıyqtamaıdy. Bárin kórdi, biraq sóıleı almaıdy, – deıdi týystary.