Búgin Perızat Qaırattyń sot otyrysynda kóktemgi sý tasqyny kezinde kórsetilgen qaıyrymdylyq kómeke baılanysty epızod qaraldy. Qorǵa qaırymdylyq jasaımyz dep aqsha aýdarǵan 20-ǵa jýyq jábirlenýshiden jaýap alyndy.
Jábirlenýshilerdiń arasynda Nazarbaev zıatkerlik mektebiniń ata-analary da bar. Olar sottta jábirlenýshi dep tanyldy. Atalǵan mekteptiń ata-analar komıtetiniń ókili Sáýle Qýandyqova sotta 2024 jyldyń sáýirinde jınalǵan 901 855 teńge qorǵa aýdarǵanyn málimdedi.
"2024 jyly men fızıka-matematıka baǵytyndaǵy NZM ata-analar komıtetiniń tóraıymy boldym. Biz BizBirgemiz Qazaqstan 2030 qorynyń jarnamalyq naýqanyna senip, tasqynnan zardap shekkenderge aqsha jınaýdy bastadyq. NZM ata-analary maǵan senim artty, al aqshanyń maqsatyna saı jumsalmaǵanyn eskere otyryp, men bul qarjy úshin tolyq jaýapkershilik arqalaǵandyqtan, ony óteý kerek dep sanaımyn. Bul qor Instagram arqyly jıi jarnamalandy. Biz qarap, onyń basqa da qaıyrymdylyq istermen aınalysqanyn bildik", – dedi ol.
Basqa da jábirlenýshilerdiń keıbiri atalǵan qorǵa 8 mln teńge aýdarǵan. Olar zardap shekken otandastaryna shyn nıetimen kómekteskisi kelgenin aıtty. Kýágerlerdiń eshqaısysy Perızatpen nemese onyń anasymen jeke tanys bolmaǵan.
– Atyraý oblysyndaǵy sý tasqynynan zardap shekkenderge búkil halyq bolyp kómektestik. Biz týystarymyzben birge 1 mıllıon teńge jınap, qorǵa aýdardyq, – dedi Aqtaý turǵyny.
Qazir jábirlenýshiler óz aqshalaryn keri qaıtarýdy talap etip otyr.
