Aqtóbedegi áýe qorǵanysy kúshteri áskerı ınstıtýtynyń kýrsanty qaza boldy, dep habarlaıdy Áýe qorǵanysy kúshteri áskerı ınstıtýtynyń baspasóz qyzmeti. Qaıǵyly oqıǵa 15 shildede bolǵan.
"Instıtýttyń kýrsanty parashaıýtpen josparly oqý-jattyǵý sekirý kezinde alǵan jaraqatynan oqıǵa ornynda qaza boldy", - deıdi vedomstvo.
Aldyn ala aqparatqa sáıkes, sekirý kezinde kýrsanttyń parashúti ashylmaı qalǵan. Qylmystyq is qozǵaldy. Oqıǵanyń barlyq mán-jaıyn anyqtaý úshin tergeý júrgizilýde.
"Áskerı ınstıtýt pen áýe qorǵanysy kúshteriniń qolbasshylyǵy qaza tapqan kýrsanttyń týǵan-týystaryna qaıǵyryp kóńil aıtady. Olarǵa barlyq qajetti kómek kórsetiledi", - deıdi áýe qorǵanysy kúshteri áskerı ınstıtýtynyń baspasóz qyzmeti.
