Sibirden arktıkalyq aýanyń taralýy kezinde temperatýra tómendeıdi, dep habarlady Qazgıdromet sınoptıkteri.

Keı óńirlerde -48-54 °C deıin tómendeýi múmkin (1893 jyly 5 qańtarda el astanasynda -51,6°C tirkelgen). Ońtústik aımaqtarda -30-43 °C deıin (1969 j. 29 qańtarda Almaty M -30,1 °C) túsedi.

Qańtardyń basynda aýa temperatýrasy kúrt tómendeıdi. Máselen, soltústik, ortalyq jáne shyǵys aımaqtarda túnde -25-35 °S deıin, keı jerlerde -39 °S deıin, kúndiz -20-27 °S deıin tómendeıdi.

Respýblıkanyń batysynda túnde -20-27 °S, kúndiz -10-20 °S bolady. Ońtústik jáne ońtústik-shyǵys aımaqtarda túnde -15-25 °S deıin, keı jerlerde -30 °S, kúndiz -7-15 °S deıin tómendeıdi.

Qańtarda Qazaqstannyń kóptegen bóliginde jaýyn-shashyn 10-nan 30 mm deıin jaýady.

Respýblıkanyń basym bóliginde jaýyn mólsheri klımattyq norma shamasynda, respýblıkanyń qıyr batysynda normadan kóp, soltústik-batysta, ortalyqta, Qazaqstannyń soltústik pen ońtústik aımaqtarynda normadan az bolýy múmkin.