Almatydaǵy qoǵamdyq kólikterdiń birinde eki jolaýshynyń janjaldasqan vıdeosy tarap jatyr. Vıdeony 100.baks.off paraqshasy jarıalady.

Vıdeodan beıtanys jolaýshynyń qara kózildiriktegi jigitke "osy aqparatty rýhyń jetse, joǵarydaǵylarǵa aıt" degen sózin estýge bolady. Oǵan qarama-qarsy turǵan jigit "jetedi, che tam, aǵam bar" dep jaýap beredi. Ary qaraı dıalog tómendegishe órbıdi.

– Joǵarǵydaǵylarǵa jetkiz osy aqparatty.

– Jetedi , jetedi, aǵam joǵaryda isteıdi, Che tam? Che tam? Che tam?

– Aǵańnyń esimi kim?

– Meniń atym Nurbolat, aǵamnyń aty Erjan. Che tam?

– "Ol qaıda isteıdi, akımat?"

– Maıor, maıor. Che tam?"

– Sondyqtan osylaı sóıleısiń be?

 

 

 

Posmotret etý pýblıkasıý v Instagram

 

 

 

Pýblıkasıa ot 100baksoff? #Býdte doma (@100.baks.off)

Jolaýshylar arasyndaǵy janjal neden shyqqany ázirge belgisiz.

Elde joǵary laýazymdy qyzmette isteıtin tanysyna senip túrli áreketke, zańsyzdyqqa baratyn jaǵdaılar buǵan deıin de bolǵan. Taıaýda ǵana Túrkistan oblysynda jol júrý erejesin buzǵan azamattar ózderin toqtatqan tártip saqshylaryna "Jumabektiń bajasymyn" dep dórekilik kórsetken. Polısıa qyzmetkerleri olardy osy sózden keıin jibere salǵan. Oqıǵanyń vıdeosy jelide tarap, qyzý talqylanǵan soń uzamaı oqıǵa qatysýshylarynyń ústinen birneshe bap boıynsha ákimshilik is qozǵalyp, sotqa joldanǵan. Jol erejesin buzǵandardyń tanysy bolyp shyqqan Túrkistan oblysy Otyrar aýdandyq polısıa bólimi ákimshilik polısıa bólimshesiniń bastyǵy, polısıa maıory Jumabek Tólegen memlekettik qyzmetshilerdiń ádep kodeksi men polısıa standarttaryn buzǵany úshin atqaryp otyrǵan laýazymynan bosatylǵan.