Ál-Farabı aýdany kórki men sanıtarlyq tazalyǵy basty nazarda. Aýdandaǵy kóp qabatty úılerdiń sanıtarlyq-tazalyq jumystary men aýla, ishki oram joldarynyń tazalyǵyn qamtý 7 sektorǵa bólinip atqarylady. Ár ýaýmaqqa aýdan ákimi apparatynyń jaýapty mamandary bekitilgen.

Merdiger «Nureke Azıa Bıznes» JSHS-i №1, 3, 7 aýmaqqa jaýapty. Al «Aıdynbek» mekemesi №2, 4, 5, 6 aýmaqtaǵy kópqabatty úılerdiń aýlasyn aptasyna 4 ret, jeke sektorda eki ret tazalyq jumysyn júrgizedi.

Ortalyq kóshelerdi jýý, arnaıy tehnıkamen sypyrý, jınalǵan las sýdan aryltý, qysta qardan tazartý, taıǵaqqa qarsy ınertti materıaldardy sebý, aıaldamalardy, aıaqjoldardy, ırrıgasıalyq aryqtardy, jıektastar janyn tazalaý jumysy merdiger «LTD Turmys» tarapynan atqarylýda. Aýdandaǵy tazalyǵyna jaýapty merdigerler jyl basynan beri qalanyń qoqys polıgonyna 59 651 m3 qoqys shyǵarǵan.

Aýdannyń basty 71 kóshe boıyndaǵy aǵashtar pen gúlderdi jalpy jasyl-jelekterdi «BÚLD STROI» JSHS-i kútip, ustaıdy.

Qalanyń jaz mezgilinde gúldenýi úshin 166 695 dana jazdyq gúl (sınnıa, shafran, bonanza, verbıná, gvozdıka, petýná, salvıa, shabo, petýshok) egildi. Kópjyldyq gúlderden, butalar men raýshandardan túzilgen san alýan gúlzarlar – mıksborderler jasalýda.

Bıyl ortalyq kóshelerge kópjyldyq gúlderdi otyrǵyzýǵa basymdyq berildi. Jyl basynan 18 525 túp roza gúl kósheti men 184 myńǵa jýyq túrli-tústi kópjyldyq gúl kóshetteri egildi. Kúz mezili kelgenine qaramaı sýyqqa tózimdi kópjyldyq gúlderdiń ásemdigi qala kórkine kórik qosyp, turǵyndardyń kózaımyna aınaldy.