Ál-Farabı aýdanynda aýyz sý, tabıǵı gaz jáne elektr qýatymen qamtý kórsetkishi 99,7% qurap otyr. Aýdan ákimi R.Myńbaev 9 aılyq esebinde shalǵaı eldi mekenderdiń ınfraqurylymmen qamtylý barysyn baıandady.

Aýdandandǵy ınfraqurylymdy qajet etetin 195-shi oram elektr jaryǵy men aýyz sý ótken jyly qamtylǵan bolatyn. Oramnyń jańaqurylys aımaǵyndaǵy 300 turǵyn úıge tabıǵı gaz tartý jumysy 2020 jyly qolǵa alynǵan. Qazir nysannyń qurylysy aıaqtalyp, abonentteý sharalary júrgizilýde.

Infraqurylymy tolyq qamtylmaǵan Sáýle shaǵynaýdany 276-shy oramdy aýyz sýmen qamtý úshin «Agat» merdiger mekemesimen kelisim-shart túzilgen. Qurylys jumysy osy jyldyń maýsym aıynda bastalǵan. Qazir qurylystyń 97%-y atqarylyp, jyl sońyna deıin tolyq paıdalanýǵa beriledi.

Shaǵynaýdanǵa elektr jaryǵyn «Aqsemser-stroıservıs» JSHS-i tartýda. Qazir qurylystyń 60 paıyzy atqarylǵan. Paıdalanýǵa berý merzimi 2022 jyldyń İİ toqsanyna josparlanýda.

Al tabıǵı gazben qamtý úshin ishki oramdyq qubyr júıesin tartý jumysyn «HMSÝ Shymkent melıorasıa» mekemesi júrgizýde. Qurylys osy jyldy qazan aıynda bastalyp, nysan 2022 jylǵa ótpeli.