Ál-Farabı atyndaǵy Qazaq ulttyq ýnıversıteti –  elimizdiń ǵana emes Orta Azıa men Túrki elderiniń bilim-ǵylym keńistiginde flagmany bolyp otyrǵan qara shańyraq. Otandyq ozat bilim ordasynda oqý tek qazaqstandyq jastar ǵana arman etpeıdi, taǵdyrdyń tálkegimen tórtkúl dúnıeniń túkpir-túkpirine tarydaı shashylǵan sheteldik qazaqtyń jastary da atamekende ana tilimizde  bilim alsaq dep armandaıdy. Qazaqstan Respýblıkasynyń JOO-laryna túsý úshin,  árıne, qazaqstandyq jastar sekildi olar da Ulttyq biryńǵaı test synaǵyn tapsyrýy qajet. Barlyq memleket birdeı standartpen bilim bermeıtini aıan. Sol sebepti sheteldik qazaq jastary bilim jolyn qazaqstandyq jalpy orta bilim beretin memlekettik standtart saı oqytatyn bizdiń JOO-ǵa deıingi bilim berý fakúltetiniń JOO-ǵa deıingi daıyndyq kafedrasynan bastaıdy. Kafedra sapaly bilim berý jumysy sanaly tárbıe berý isimen ushtastyryla jurgiziledi. Osy maqsatta kafedrada úıirmeler men klýbtar jumys isteıdi.         

«Jas talap», «Jaýqazyn» úıirmeleri bıylǵy 2022-2023 oqý jylyndaǵy kezeńdik óz jumysyn fakúltet tyńdaýshylaryna – elimizdiń bilim berý júıesi álemdik bilim berý naryǵynda básekelestikke qabiletti ekendigin kórsetý jáne ýnıversıtetimizdiń otandyq bilim berý salasynda joǵary oqý oryndarynyń kóshbasshysy ekenin nasıhattaýmen qatar Táýelsiz Qazaqstan Respýblıkasynyń ıntellektýaldy áleýetiniń joǵarylyǵyn, ekonomıkasynyń qarqyndy damyp kele jatqan órkenıetti, zaıyrly memleket ekendigi týraly sheteldik azamattarǵa jaǵymdy kózqarasyn qalyptastyrý jáne atamekenin Otanymdy dep tanyp, elimizdiń ıgiligi úshin qyzmet etýge shaqyrý, sheteldik qazaq jastaryna azamattyq-áleýmettik patrıottyq tárbıe berý maqsatynda  qazan aıynda «Atameken – altyn besik» (tolyǵyraq aqparatty https://www.kaznu.kz  saıtynan alasyzdar)  atty mádenı sharany uıymdastyrýmen bastady.  Elimizdiń jarqyn bolashaǵy  – bilimdi de bilikti, álemdiń bilim-ǵylym keńistiginde, eńbek naryǵynda básekege qabiletti   jastar. Ustazdardyń  qasıetti paryzy – jastarǵa tereń de sapaly bilim, sanaly tárbıe berý. Búgingi bilimdi jas – erteńgi bilikti maman, sondyqtan da fakúltettegi bilim alýshy jastarǵa tereń bilimmen berý qatar sanaly tárbıe berýdi basty paryzy sanaıtyn JOO-ǵa deıingi daıyndyq kafedrasynyń  ustazdar ujymy qazaq tili pániniń aǵa oqytýshysy R.T.Naralıevanyń bastamasymen kafedra janynan «Jas talap» úıirmesin ashty. Úıirme elimizdiń bilim jáne ǵylym mınıstriligi men ýnıversıtettiń erejelerine bilim berý standartyn basshylyqqa ala otyryp, óz jumysyn uıymdastyrady.

Elimizdiń tolerantty kelbetin, beıbitshildikti súıgish sıpatyn nasıhattaı otyra, bilim alýshy árbir jasqa óz qabiletine qaraı jeke tulǵa bolyp qalyptasýyna kómektesetin kásibı baǵdar beretin beıindik sabaqtardy ótkizedi. Úıirme men klýbtyń ashylý saltanatyn kásibı baǵdar berýge arnalǵan «Mamandyqtyń bári jaqsy» atty beıindik sabaqty uıymdastyrýmen bastaıdy. Sebebi elimizge bilim alýǵa kelgen sheteldik azamattar eń áýeli daıyndyq fakúltetinde tildik daıyndyqpen qosa tańdaǵan mamandyǵyna oraı negizgi pánderden sabaq oqıdy. Mamandyǵy týraly naqty aqparat alý osy jumystyń qyry men syryn jáne osy kásiptiń basymdyǵyn, prıorıtetin túsinýge sebepshi bolyp, jastarǵa mamandyǵyn durys tańdaýǵa kómektesedi dep oılaımyz. Sonymen qatar bizdiń úıirme jastardy shyǵarmashylyq qabiletin damytýdy, olardy kreatıvti oılaýǵa, ǵylymı izdeniske jeteleýdi, óz betinshe jumys isteýge baýlýdy maqsat etedi.

Osy maqsatta qyzyqty sabaqtar, trenıń-semınarlar, vıktorınalar bilim saıystaryn – breın-rıngter, shyǵarmashylyq baıqaýlar ótkizýdi uıymdastyrady. Úıirmemizdiń urany: «Oqy, izden, eńbekten, Jas urpaq! ».

Ustanymy: «Aramyzda artta qalýshylar bolmasyn»,– degen muratpen kafedrada bilim alýshylar arasyndaǵy úlgerim tómendigi sekildi sáıkessizderdi túzetýge arnalǵan qosymsha fakúltatıvtik jumystar da júrgiziledi. Árıne, jalań bilim sapaly  da, tárbıesiz jemisti de bolmaıtyndyǵy bárimizge de málim, sondyqtan úıirme óz jumysyn bilim salasy men tárbıe sapasyn ushtastyra júrgizýdi negizge alady. Osy maqsatta «Kitap – altyn qazyna», «Tárbıe basy – til», «Saıatkerlik – ulttyq rýhtyń negizi», «Tabıǵat-anańdy aıala», mádenı-tanymdyq saıahattar, kásibı baǵdar beretin beıindik sabaqtardy uıymdastyrady. Shyǵarmashylyq qabiletin arttyryp, shyńdaý maqsatynda «Qazaqstan sheteldikterdiń kózimen», «Atamekenim – aıbynym meniń», «Maqal-mátel – sóz máıegi» atty shyǵarmashylyq baıqaýlar ótkizedi. Ýnıversıtet pen fakúltettegi is-sharalardan tys  respýblıkalyq, qalalyq, tipti halyqaralyq baıqaýlarǵa bilim saıystaryna, pándik olımpıadalarǵa qatysyp, júldeli orydardy ıelenip jatady. Stýdenttik ǵylymı konferensıalarǵa qatysamyn degen talapkerlerge ǵylymı jetekshilik jumysyn atqarady.

Ál-Farabı atyndaǵy Qazaq últtyq ýnıversıteti
JOO-ǵa deıingi daıyndyq kafedrasynyń aǵa oqytýshylary
Begalıeva A.K.
Naralıeva R.T.