Ortalyq saılaý komısıasy prezıdenttikke úmitkerlerdiń saılaýaldy debattary týraly aqparattyq habarlama jarıalady.
Debat 11 qarasha kúni saǵat 20:00-de tikeleı efırde ótedi.
OSK múshesi Anaıatasıa Shegorsovanyń aıtýynsha, saılaýaldy debatqa qazirgi prezıdent Q.Toqaev qatyspaıdy, onyń ornyna májilis tóraǵasy Erlan Qoshanov qatysady.
Qalǵan kandıdattar Qaraqat Ábden, Nurlan Áýesbaev, Jıgýlı Daırabaev, Meıram Qajyken, Saltanat Tursynbekova debatqa ókilderi emes, ózi túsedi dep josparlanǵan.
Reglamentke saı, debat, tórt kezeńnen turady.
- Birinshi kezeńde saılaýaldy baǵdarlamanyń prezentasıasy kórsetiledi. Sóıleýge 3 mınýt beriledi.
- Ekinshi kezeń – dıskýssıalyq sesıa. Qatysýshylar oponentterine eki suraq qoıyp, sáıkesinshe, eki suraqqa jaýap beredi.
- Úshinshi kezeńde saýlaýshylardan kelip túsken suraqtarǵa jaýap beriledi. Ár kandıdatqa bir-bir suraqtan qoıylady.
- Tórtinshi kezeń – saılaýshylarǵa úndeý joldaý.
2019 jylǵy saılaýaldy debatqa da kandıdat Q.Toqaev qatyspaǵan. Ol kezde oǵan respýblıkalyq qoǵamdyq shtab tóraǵasy Máýlen Áshimbaev ókildik etken.
Pikir qaldyrý