Astanada «Jahandyq jáne jergilikti basqarýdaǵy shekaralardy keńeıtý» taqyrybynda konferensıa ótti, dep habarlaıdy Qamshy.kz aqparat agenttigi. Atalǵan konferensıada 8 mln qazaqstandyqtyń bankke qaryzy bar ekeni aıtyldy. 

"Keıbir saıasatkerler halyq qarjylyq saýatsyzdyqtan qaryzǵa batady deıdi. Halyq tabysy tómen bolǵannan nesıe alýǵa májbúr. Jalaqysynyń basym bóligin tamaqqa jumsaıdy. Jańylmasam, qazir turǵyndardyń qaryzy 14 trıllıon teńgege jetti. Bılik ǵylymmen tyǵyz baılanys ornatýy tıis. Memleket basshysy eki jyl buryn ál-aýqatyna qaraı salyq salý týraly aıtty. Alaıda, ózgeris joq. Jańa ekonomıkalyq saıasat qursaq qana alǵa basamyz. Áleýmettik teńsizdik, kedeılik, tómen jalaqy, monopolıa, saıası kúshterdiń, olıgarhtardyń yqpaly sıaqty «aýrýlarymyzdy» moıyndaýymyz kerek", - deıdi ekonomıs Qýat Akıjanov.

Sondaı-aq sheteldik konferensıa barysynda óz oılaryn ortaǵa salyp, pikir almasty.  Budan bólek memlekettik basqarý tıimdiligi, mıgrasıa, ıntegrasıa, týrızm jáne halyq pen bılik arasyndaǵy dıalog taqyryptary keńinen qaraldy.