Rejep Taıyp Erdoǵannyń qarsylasy Kemal Kylychdaroglý Túrkıada ótken prezıdent saılaýyn "el tarıhyndaǵy eń ádiletsiz saılaý" dep atady. 

Ol Ankarada sóılegen sózinde daýystyń ádiletsiz sanalǵanyn aıtyp, avtorıtarly júıeni aýystyrý úshin ári qaraı kúrese beretinin málimdedi.

"Maǵan daýys bergen 25 mıllıonnan astam azamattyń kúshti bolyp qala bergenin qalaımyn. Biz osyndamyz, bizdiń marsh jalǵasady. Biz demokratıa úshin kúresimizdi jalǵastyra beremiz. Men bul kúreske sizderdiń de qatysýlaryńyzdy suraımyz. Qazir bir adamnyń bizdi demokratıadan aıyrǵanyn kórip otyrmyz", – dedi saıasatker.

Ol Túrkıada demokratıa is júzinde ústemdikke ıe bolmaıynsha kúrese beretinin qosyp ótti.

Eske sala keteıik, 28 mamyrda Túrkıanyń joǵarǵy saılaý komısıasynyń basshysy Ahmet Iener prezıdent saılaýynyń ekinshi kezeńinde Redjep Taıyp Erdoǵannyń jeńiske jetkenin habarlady. Ol 52 paıyz daýys jınaǵan. Al Kylychdaroglýǵa saılaýshylardyń 47,86  paıyzy daýys bergen bolatyn.