Almatyda jylý júıelerin qaıta qurý kezinde birneshe kóshe boıymen avtokólikterdiń qozǵalysy shekteledi, dep jazady Qamshy.kz aqparat agenttigi. 

«Almaty jylý júıesi» kásipornynyń málimetinshe, 2023 jyldyń 29 mamyr men 30 tamyz aralyǵynda Almaly aýdanyndaǵy Bógenbaı batyr kóshesi (Baıtursynov kóshesinen Naýryzbaı batyr kóshesine deıin aýla ishilik aýmaq boıynsha) jabylady.

"Jetisý aýdanynda 31 mamyrdan 1 tamyzǵa deıin Raskov kóshesiniń boıy ( Esenov kóshesinen Kolpakovskıı kóshesine deıin odan ári №143 mektep-lıseı ǵımaratyna deıingi) bóliginde kólik qozǵalysy shekteledi.

1 maýsym men 30 tamyz aralyǵynda Shalápın kóshesinde ( Soltústik baǵytta Momyshuly kóshesinen Saın kóshesine deıingi aýla ishilik aýmaq boıynsha) jol jabylady.

«Engizilgen shekteýler atalǵan kóshe segmentteriniń júris bóliginiń astynda ótetin qubyrlardy qaıta qurý úshin qajet. Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha sqema boıynsha beriletin bolady",- dep habarlady «Almaty jylý jelileri» JSHS baspasóz qyzmeti.

Kompanıa keltirilgen qolaısyzdyq úshin almatylyqtardan keshirim suraıdy.

Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.