UEM habarlaǵandaı, kásiporyn Astanada tirkelgen. Búginde onyń qyzmeti belsendi emes.
Qarjy mınıstrliginiń aqparaty boıynsha, kompanıanyń qyzmeti 2021 jylǵy 14 aqpannan bastap toqtatylǵan. Al ındýstrıa jáne ınfraqurylymdyq damý mınıstrliginiń málimetine súıensek, kásiporynǵa erekshe taýarlardy ótkizýge lısenzıa, ruqsat berilmegen.
"Biz kompanıanyń sanksıalar tizimine engizilýin onyń ıesi Ashot Mkrtychevtiń AQSH sanksıasynda bolýymen baılanystyramyz. Aıta keteri, Mkrtychev Qazaqstan rezıdenti emes. Kompanıanyń sanksıalar tizimine engizilýi tehnıkalyq sıpattaǵy jáıt", - delingen ulttyq ekonomıka mınıstrliginiń málimdemesinde.
Vedomstvo aqparatynsha, bul adam 2020 jylǵy 7 naýryzda Qazaqstan aýmaǵynan ketip qalǵan. Odan keıin elge kirmegen.
Mınıstrlik Mkrtychevtiń basqa ıýrısdıksıalarda tirkelgen taǵy eki kompanıasy sanksıaǵa ilikkenin atap ótti.
"Biz batystaǵy áriptesterimizben únemi baılanystamyz. Bul kompanıa boıynsha tıisti sharalar qabyldanady", - dep sendirdi mınıstrliktegiler.
Buǵan deıin AQSH "Soltústik Koreıamen baılanysy úshin" Qazaqstan, Reseı jáne Slovakıadaǵy úsh kompanıaǵa qatysty sanksıa engizgeni habarlanǵan bolatyn. Amerıkalyq Qarjy mınıstrliginiń málimetinshe, úsh fırmanyń da Slovakıa azamaty Ashot Mkrtychevke qatysy bar.
Pikir qaldyrý