Aldaǵy 27 jylda elordany «Álemniń úzdik qalalary» halyqaralyq reıtıńisinde alǵashqy 50 shahardyń qataryna engizý josparlanyp otyr. Bul týraly Ulttyq ekonomıka mınıstrligi jarıalaǵan «Astanany damytýdyń keıbir máseleleri týraly» zań jobasynyń konsýltatıvtik qujatynda jazylǵan.
«Jobanyń maqsaty – 2050 jylǵa deıin Astana qalasyn «Álemniń úzdik qalalary» halyqaralyq reıtıńisinde alǵashqy 50 qalanyń qataryna kirgizý», - delingen Ashyq NQA portalynda jarıalanǵan konsýltatıvtik qujatta.
Atalǵan mejege umtylys jolynda myna baǵyttaǵy jumystardy qolǵa alý josparlanǵan:
- Elordanyń ózekti máselelerin, onyń ishinde turǵyndardyń shaǵymdaryn dereý sheshý;
- Astananyń aqparattyq bazasyn qurý;
- Turǵyndardyń ál-aýqatyn arttyrý, bıznes ortanyń damytý;
- Gazben jylytýǵa kóshý, sondaı-aq ruqsat etilmegen qoqys úıindilerin joıý esebinen elordadaǵy ekologıalyq jaǵdaı men aýa sapasyn jaqsartý;
- Astananyń sáýlettik kelbetin saqtaý;
- Qalada kedergisiz orta qurý;
- Halyq arasyndaǵy áleýmettik shıelenisti tómendetý.
Konsýltatıvtik qujat 5 qazanǵa deıin kópshilik talqylaýda bolady.
Sonymen qosa osy qujatta ómir súrýge qolaıly álem qalalarynyń «Quality of living city ranking» reıtıńisinde Almaty shahary 177-orynda turǵany jazylǵan.
Pikir qaldyrý