2024 jyldyń 17 qazan kúni Almaty qalasy, Qazaqstan jazýshylar odaǵynyń «Ádebıetshiler úıinde»  Qazaqstannyń Eńbek sińirgen qaıratkeri, Halyqaralyq «Alash» ádebı syılyǵynyń ıegeri, aqyn, sazger, satırık, atbegi Qajytaı İlıasulynyń 85 jasqa tolýyna oraı ádebı-mýzykalyq eske alý keshine ál-Farabı atyndaǵy QazUÝ-dyń, oqytýshy profesor quramy jáne fılologıa fakúltetiniń 1 kýrs doktoranttary sondaı-aq JOO-ǵa deıingi daıyndyq kafedrasynyń shetelden kelgen qandas tyńdaýshylar qatysyp «Qajytaıdyń Báıgetóbesi» atty tyń estelikter jınaǵynyń tusaýkeser rásiminiń kýási bolyp qaıttyq.

​         Bul ádebı-mýzykalyq eske alý keshiniń shymyldyǵyn joǵary oqý oryndarynan kelgen profesor-oqytýshylardyń Qajytaı İlıasulyna arnalǵan jyly lebiz jáne quttyqtaý hattarymen  ashyldy. Atap aıtqanda, bul is-sharaǵa Ál-Farabı atyndaǵy Qazaq ulttyq ýnıversıteti, Abaı atyndaǵy Qazaq ulttyq pedagogıkalyq ýnıversıteti, Qorqyt ata atyndaǵy Qyzylorda memlekettik ýnıversıteti, Qazaq ulttyq qyzdar pedagogıkalyq ýnıversıtetiniń ókilderi qatysty.

Ádebı-mýzykalyq keshte mazmundy, maǵynaly estelikter men Qajytaı İlıasulynyń sózine jazylǵan «Qarshyǵa», «Arman-aı» syndy ánder oryndaldy. Sonymen qatar, belgili sazger, kúıshi Seken Turysbekov «Kóńil tolqyny» kúıin jáne mádenıet salasynyń úzdigi, ánshi, sazger Muratbek Sarybasov aqynnyń «Keshiktiń nege sen?» ánin tamasha oryndady.

Qajytaı İlıasulynyń kúıshi balasy Nurjan Jumataı Jaqypbekovtiń «Qajytaıǵa» atty kúıin keremet sheberlikpen oryndap, qatysýshylardyń yqylasyna bólendi. Stýdentterdiń oryndaýymen aqyn óleńderine ádebı toptama kópshiliktiń kóńilinen shyqty.

Ádebı kesh sońynda aqyn, sazger Qajytaı İlıasulynyń jary Qazaq ulttyq qyzdar pedagogıkalyq ýnıversıtetiniń profesory, fılologıa ǵylymdarynyń doktory Rýda Zaıkenova kesh qonaqtaryna, stýdentterge alǵys rızashylyǵyn bildirip, birneshe qurmetti qonaqtarǵa shapan japty.

Sonymen qatar, «Qajytaıdyń Báıgetóbesi» atty kitaptyń mazmunyna qysqasha toqtalyp ótti. Bul kitapta negizinen, Qajytaı İlıasulynyń shyǵarmashylyq ómirbaıany men «Qajytaı aýzynan» degen aıdarmen berilgen aqynnyń qanatty sózderi men maqal-mátelderi, batalary keıinge urpaqqa qaldyrǵan ónegeli, ǵıbratty mura ekeni dáriptelip, nasıhattaldy.

Qoryta aıtqanda, Qajytaı İlıasuly jalpy adamdarǵa, jastarǵa úlgi-ónege bolatyndaı ǵıbratty sózimen máńgi esimizde qalady. Aqyn:

Dúnıe senen de óter, menen de keter,

Áýenim aqqýdy da eleńdeter.

Taq pen baq, jıǵan tergen jolda qalar,

Án men kúı keıingige óleń jeter.

Qajytaı İlıasulynyń 85 jasqa tolýyna oraı ádebı-mýzykalyq eske alý keshiniń sońy aqyn otbasylarynyń uıymdastyrýmen meıramhanada quran-qatym oqylyp, as berildi. Qajytaı İlıasuly aǵamyzdyń jany jánnaty bolsyn! Artynda qalǵan urpaqtary aman bolsyn! Elimiz aman, jurtymyz tynysh bolsyn!

Ál-Farabı atyndaǵy QazUÝ, fılologıa fakúlteti,

Qazaq ádebıeti jáne ádebıet teorıasy kafedrasynyń

f.ǵ.k., profesor m.a., Sarbasov B.S.,

fılologıa fakúltetiniń1 kýrs doktoranty,

JOO-ǵa deıingi daıyndyq kafedrasynyń

 aǵa oqytýshysy  G.M.Mýjıgova