2022 jyldyń 22 qazanynda Abaı ǵylymı-zertteý ınstıtýty bazasynda jumysyn qaıta jalǵastyrǵan ÁÝEZOV ÁDEBI BİRLESTİGİNİŃ uıymdastyrýymen «Abaı jáne Áýezov» atty ádebı-tanymdyq kesh ótti. Keshtiń kirispe sózin Abaı ǵylymı-zertteý ınstıtýtynyń dırektory, fılologıa ǵylymdarynyń doktory, profesor Janǵara Dádebaev bastap, qonaqtar men qatysýshy stýdentterdi birlestiktiń tarıhymen tanystyryp, issharanyń sátti ótýine tilek bildirdi. Ádebı-tanymdyq keshtiń qadirli qonaqtary ál-Farabı atyndaǵy Qazaq ulttyq ýnıversıteti fılologıa fakúltetiniń aǵa edvaızeri, aǵa oqytýshy Shoqan Shortanbaev, fılologıa ǵylymdarynyń kandıdaty, aǵa oqytýshy Sovethan Tileýbaev, mehanıka-matematıka fakúltetiniń aǵa edvaızeri, dosent Bolat Ábenov, medısına jáne densaýlyq saqtaý fakúltetiniń aǵa edvaızeri Gúlbaný Árinova kesh barysynda ádebı birlestiktiń aldaǵy shyǵarmashylyq jumysyna aq jol tilep, jyly lebizderin joldap otyrdy. Fılologıa fakúltetiniń 1-kýrs stýdentteri uly Abaı óleńderin jáne óz shyǵarmashylyqtarynan óleń joldaryn jatqa oqyp, «Abaı joly» roman-epopeıasyndaǵy «Qaıtqanda» taraýynan sahnalyq qoıylym kórsetti. Hormen «Kózimniń qarasy» ánin naqyshyna keltire oryndap, Muhtar Áýezovtiń «Áıelder galereıasynan» monolog úzindisin, Abaıdyń ózge tilge aýdarylǵan óleńderin oqydy, mehanıka-matematıka fakúltetiniń stýdentteri «Erke sylqym» kúıin shertti. Keshti Abaı ǵylymı-zertteý ınstıtýtynyń jetekshi ǵylymı qyzmetkeri, profesor m.a. Tóregeldi Tuıaqbaı jáne fılologıa ǵylymdarynyń kandıdaty, dosent Láıla Musaly qorytyndy sózben támamdap, qatysýshylarǵa alǵys bildirdi. Atalmysh kesh qos sanatker Abaı Qunanbaıuly men Muhtar Áýezovtiń shyǵarmashylyq murasy men úndestiginen syr shertip, jas býynnyń ádebı-tanymdyq bilimin arttyrdy.

         Jumysyn 1941 jyldyń mamyrynda uly qalamgerdiń óz jetekshiligimen bastaǵan ÁDEBI BİRLESTİKTİŃ qaıta jandanýy ádebıetke qumar stýdentterdiń jańa belesterge umtylýyna, shyǵarmashylyq jáne tanymdyq turǵyda damýyna negiz bolmaq. Bul – qazaq ádebıetiniń ǵana emes, ulttyq rýhanıattyń órkendeýine mol úles qosatyn ıgilikti is ekeni daýsyz!

 Ál-Farabı atyndaǵy QazUÝ

fılologıa ǵylymdarynyń

kandıdaty, dosent L. Musaly

Abaı ǵylymı-zertteý ınstıtýtynyń

kishi ǵylymı qyzmetkeri E. Eldos,

fılologıa fakúltetiniń 1-kýrs doktoranty,

JOO-ǵa deıingi daıyndyq kafedrasynyń

aǵa oqytýshysy G.M. Mýjıgova