Kásipker astyrtyn mal soıý sehy úshin nysandy jalǵa alǵany belgili boldy.

"Polısıa qyzmetkerleri men DKNB qyzmetkerleri ruqsat qujattarysyz jáne antısanıtarlyq jaǵdaıda et óńdeýmen aınalysqan zańsyz áreketti toqtatty. Kásipker astyrtyn mal soıý sehy úshin nysandy jalǵa alǵany anyqtaldy. Onda alty adam zańsyz jumys istep, kúndelikti aqshalaı tólem alyp otyrǵan. Qoldanylatyn shıkizat retinde qujatsyz satyp alynǵan kúmándi et paıdalanylǵan. Daıyn ónim Qazaqstan óńirlerine taratylǵan", - dep habarlady Astana PD.

Quqyq qorǵaýshylar Astananyń bir aýdanynda jergilikti turǵynnyń óz úıiniń aýlasynda etti zańsyz satýmen aınalysqan ekinshi oqıǵany da atap ótti. Ónimniń eshqandaı qujaty, veterınarlyq móri bolmaǵan, dep qosty PD.

"Qazirgi ýaqytta tárkilengen ettiń sapasyn tekserý úshin saraptama taǵaıyndaldy. Anyqtalǵan zańbuzýshylyqtar boıynsha qylmystyq is qozǵaldy. Quqyqbuzýshylarǵa qatysty ákimshilik hattamalar toltyrylǵan. Astana Polısıa departamenti et ónimderi veterınarlyq baqylaýsyz adam densaýlyǵyna qaýipti bolýy múmkin ekenin eskertedi", - dep qosty polısıa.