24 mamyrda Qazaqstan Prezıdenti Qasym-Jomart Toqaev Erbolat Dosaevty Almaty qalasynyń ákimi qyzmetinen bosatý týraly Jarlyqqa qol qoıdy.
Memleket basshysynyń Jarlyǵymen Erbolat Asqarbekuly Dosaev Almaty qalasynyń ákimi qyzmetinen bosatyldy. Bul týraly Aqordanyń resmı Telegram arnasynda jarıalandy.
Erbolat Dosaev bul laýazymdy 2022 jylǵy 31 qańtardan bastap atqaryp kelgen bolatyn.
Ol 1970 jyly 21 mamyrda Almaty qalasynda dúnıege kelgen. Almaty energetıkalyq ınstıtýtyn jáne Máskeýdegi Baýman atyndaǵy tehnıkalyq ýnıversıtetti támamdaǵan.
Qyzmettik jolyn 1997 jyly bank sektorynda bastaǵan Dosaev keıin birqatar memlekettik laýazymdardy atqardy. Atap aıtqanda, Energetıka, ındýstrıa jáne saýda, Qarjy vıse-mınıstri, Damý banki Dırektorlar keńesiniń Tóraǵasy, Qarjy mınıstri, Densaýlyq saqtaý mınıstri, Ekonomıkalyq damý jáne saýda mınıstri, Ulttyq ekonomıka mınıstri, Ulttyq bank tóraǵasy, Premer-mınıstrdiń orynbasary syndy qyzmetterde boldy.
Sońǵy jyldary Almaty qalasynyń ákimi qyzmetin atqarǵan sheneýniktiń ornyn kim basatyny ázirge belgisiz. Buǵan deıin 23 mamyrda qalalyq máslıhattyń kezekti otyrysy ótetini jáne onda jańa ákim kandıdatýrasyna kelisim berý máselesi qaralatyny habarlanǵan bolatyn.
