Eńbek jáne halyqty áleýmettik qorǵaý mınıstriniń 2025 jylǵy 30 qyrkúıektegi buıryǵymen júrip - turýy qıyn birinshi toptaǵy múgedek adamdar úshin jeke kómekshiniń qyzmetterin usyný qaǵıdalaryna ózgerister engizildi.

Osylaısha, jeke kómekshiniń qyzmetterin usyný medısınalyq aıǵaqtar men jeke kómekshiniń qyzmetterin kórsetýge qarsy aıǵaqtardy eskere otyryp, medısınalyq-áleýmettik saraptama júrgizetin ýákiletti memlekettik organnyń aýmaqtyq bólimshesi ázirlegen IPAR-nyń áleýmettik bóligi negizinde júzege asyrylady.

2026 jylǵy 1 qańtardan bastap birinshi toptaǵy júrip-turýy qıyn múgedektigi bar adamdar nemese olardyń zańdy ókilderi ne múgedektigi bar adamnan jeke kómekshiniń qyzmetterin usyný úshin qujattardy resimdeý quqyǵyna senimhat alǵan adamdar turǵylyqty jeri boıynsha qujattardy qosa bere otyryp, ótinish beretini týraly jańartylǵan norma engiziledi:

• birinshi toptaǵy múgedektigi bar adam úshin onyń jaqyn týysy nemese jubaıy (zaıyby) jeke kómekshi bolǵan jaǵdaılardy qospaǵanda, zeınetkerlik jasqa tolǵandar.

"Múgedektigi bar tulǵalardyń ortalyqtandyrylǵan derekter banki" avtomattandyrylǵan aqparattyq júıesinde jeke kómekshiniń qyzmetterin usyný jónindegi is-sharalardy qamtıtyn IPAR qalyptastyrylǵannan keıin, IPAR derekteri avtomatty túrde "E-Sobes" AAJ-ǵa jáne birinshi toptaǵy múgedek adamnyń nemese onyń zańdy ókiliniń abonenttik qurylǵysyna beriledi, Memlekettik qyzmet kórsetýge suraý salýmen sms-habarlama jiberýge bastamashylyq jasalady.

Sondaı-aq, qalalyq basqarý, jumyspen qamtý bólimi memlekettik qyzmet kórsetý monıtorıńiniń aqparattyq júıesine memlekettik qyzmet kórsetý satysy týraly derekterdi engizýdi Memlekettik qyzmet kórsetý monıtorıńiniń aqparattyq júıesine engizý qaǵıdalaryna sáıkes memlekettik qyzmet kórsetý monıtorıńiniń aqparattyq júıesine derekterdi engizýdi qamtamasyz etetini naqtylanady.

Ótinish berýshi portalda bir mezgilde ótinish berýshiniń ESQ-men qol qoıylǵan kepildik berilgen somany ónim berýshige óteýge ótinishke qol qoıa otyryp, jeke kómekshiniń kórsetiletin qyzmetine tapsyrysty resimdeıdi jáne ónim berýshige jiberedi.

Memlekettik qyzmet mynadaı tásildermen kórsetiledi:

• memlekettik korporasıa;
• qalalyq basqarmalar, aýdandar men qalalar (jumyspen qamtý bólimderi);
• uıaly baılanystyń abonenttik qurylǵysy-proaktıvti qyzmet;
• "elektrondyq úkimettiń" veb-portaly egov.kz.