استانادا ولتىرىلگەن ستۋدەنت ەراسىل اۋباكىروۆ ءىسى بويىنشا كۇدىكتىلەر سوت قاۋلىسىمەن ەكى اي مەرزىمگە قاماۋعا الىندى، - دەپ حابارلايدى «قامشى» پورتالى.

«استانا قالاسى الماتى اۋداندىق №2 سوتىنىڭ قاۋلىسىمەن كۇدىكتىلەر ا. تيحونەنكو، ۆ. شەرستەنيەۆ پەن ن. ءاجىمباي ەكى اي مەرزىمگە قاماۋعا الىندى. ولارعا ق ر قىلمىستىق كودەكسىنىڭ 99-بابى 2ء-بولىمى 7-تارماعى (الدىن الا كەلىسىم بويىنشا توپتالىپ كىسى ءولتىرۋ) بويىنشا ايىپ تاعىلۋدا»، - دەلىنگەن سوت حابارلاماسىندا. سوت قاۋلىسىمەن قاماۋعا الىنعان ن. ءاجىمباي ە. اۋباكىروۆتى سوققىعا جىعۋ ءساتىن ۆيدەوعا تۇسىرگەن كۇدىكتى ەكەنىن ەستەرىڭىزگە سالامىز.

بۇعان دەيىن تاعى ءبىر كۇدىكتى ا. مەيىربايەۆ قاماۋعا الىنعان بولاتىن.

ەستەرىڭىزگە سالساق، استانا مەديسينالىق ۋنيۆەرسيتەتىنىڭ ستۋدەنتى ەراسىل اۋباكىروۆ 3 اقپان كۇنى جوعالىپ كەتىپ، ءمايىتى 10 اقپاندا قالا سىرتىنان تابىلدى. الەۋمەتتىك جەلىلەردە مارقۇمدى ازاپتاۋ ءساتى تۇسىرىلگەن ۆيدەو دا تارالعان بولاتىن.