«استانا» ارناسىنداعى “سىرلاسۋ” باعدارلاماسىنا قوناققا كەلگەن ءانشى داستان ورازبەكوۆ تورەعالي تورالىگە قاراتا سىن ايتقان بولاتىن. ەفيردە ارىپتەسىنىڭ ونەرىن “پلاگياتقا” تەڭەگەن داستان جانكۇيەرلەر تاراپىنان سىنعا قالدى، - دەپ حابارلايدى «قامشى» پورتالى NUR.kz-كە سىلتەمە جاساپ.

ءانشىنىڭ پىكىرىن تالقىعا سالعاندار ەكىگە جارىلدى. ءبىرى داستاننىڭ ءسوزىن قولداپ جاتسا، ەندى بىرەۋلەرى تورەعاليدىڭ ونەرىنە شاڭ جۋىتپاعان.

“كوزى قاراقتى كورەرمەن، ءوز قۇندارىڭىزدى نەگە تۇسىرەسىزدەر؟ داستانعا 80 ادام جينالسا دا جاندى داۋىستا ءان ايتتى. ال تورەشتەرىڭىز 3000 ادامدى جيناپ الىپ، فوناگراممادا ءان سالدى. اندەرىنە ءسوزىم جوق. قازاقي جاقسى اندەر. تالعامعا ساي ءان تاڭدايدى، ءبىراق حالىقتىڭ الدىندا تەر توكپەيدى. حالىق بيلەتتىڭ قۇنىنا قاراماي كەشكە اعىلادى، ال ول… وتە وكىنىشتى. داستان ونى تىكەلەي جاماندامادى، سىن ايتتى. ءاربىر سىندى كورەالماۋشىلىق دەپ تۇسىنسەك ونەر دامىمايدى. حالىق ءۇشىن جاساپ جاتىرمىز دەگەن جاتتاندى ءسوز. ال، داستان وزىندىك ءۇنى بار، حاريزماسىن قالىپتاستىرعان. سويلەۋگە تولىق قاقىسى بار”، – دەپ اقتادى ءانشىنى عالامتور قولدانۋشىسى.

ال ەندى ءبىرى مۇنداي پىكىرگە قارسى جاۋابىن بەرىپ ۇلگەردى، ءتىپتى “وردا” توبىنىڭ ءانشىسى سەنىمىن اقتاماعانىنا رەنجىدى.

“داستان، ءسىز ماعان ۇنايتىن ەدىڭىز! ءبىراق، تورەعاليعا سىن كەلتىرىپ، ءسىز تۋرالى پىكىرىم وزگەردى! تورەعالي – ايتىسكەر اقىن، جاپ-جاقسى جىگىت! ول وزگەنىڭ ءانىن ۇرلاماس ەدى. كورە المايسىز!”، – دەپ كەيىدى باعدات جادىرا ەسىمدى قولدانۋشى.

ال ءانشىنىڭ ءسوزى ۇلكەن داۋعا ۇلاسقانىن بايقاعان كەي جازىلۋشىلار ءسوز تالاستىرۋشىلاردى سابىرعا شاقىردى.

“داستان دۇرىس ايتتى. ارتىق ەشتەڭە ايتپادى. ونىڭ قادىر-قاسيەتى تۋرالى اڭگىمە ايتۋدىڭ قاجەتى جوق. ءار ءانشىنىڭ ءوز تىڭدارمانى بار. تورەعاليدى دا جامان دەمەيمىن. قازاق ساحناسىندا جاقسى انشىلەر بىرەۋ عانا بولماۋ كەرەك شىعار. بارلىعى تالانتتى. داستان دا، تورەعالي دا ءتىلىن شايناپ جۇرگەن سايلاۋبەكتەن جاقسى. ءبىرى تويدى كوتەرىپ جۇرسە، ەكىنشىسى شەتەلدە قازاق نامىسىن قورعاپ ءجۇر”، – دەدى تاعى ءبىر عالامتور پايدالانۋشىسى.

دەرەككوز: juldizdar.kz