مەملەكەتتىك «بولاشاق» ستيپەندياسىمەن وقيتىن 1000-عا جۋىق ادام ستيپەنديادان ايرىلدى، - دەپ حابارلايدى «قامشى» پورتالى ق ر ءبىلىم جانە عىلىم مينيسترلىگىنىڭ «حالىقارالىق باعدارلامالار ورتالىعى» اق-نا سىلتەمە جاساپ.

ورتالىق باسشىسى عاني نىعىمەتوۆتىڭ ايتۋىنشا، ولاردىڭ 500ء-ى ستيپەنديادان ءوز ەرىكتەرىمەن باس تارتقان. ال، قالعانى ساباق ۇلگەرىمىنىڭ تومەندىگىنەن، نە بولماسا، باسقا سەبەپتەرگە بايلانىستى ستيپەنديادان قول ۇزگەن.

عاني نىعىمەتوۆ بۇلاردىڭ بارلىعى مەملەكەت الدىنداعى قارجىلاي مىندەتتەمەلەرىن وتەۋ كەرەكتىگىن ايتادى.

«بارلىق باس تارتۋشىلار ولاردىڭ وقۋىنا مەملەكەت جۇمساعان قاراجاتتى 10 پايىزدىق ايىپپۇلىمەن قوسىپ قايتارادى. ويتكەنى، ولاردىڭ وقۋىنا اتا-انالارىنىڭ جىلجىمايتىن مۇلىكتەرى كەپىلدىككە قويىلعان»، - دەيدى ول.

ورتالىق حابارلاعانداي، سوڭعى 3-4 جىلدا «بولاشاق» 15 ادام باس تارتقان. قازىرگى تاڭدا 43 ستۋدەنتتەن وقۋعا جۇمسالعان قاراجات سوت ارقىلى قايتا ءوندىرىلىپ جاتقان كورىنەدى.

وسى رەتتە «بولاشاق» تۇلەكتەرىنىڭ بارلىعى بىردەي ەلگە ورالعاسىن جۇمىسقا ورنالاسىپ كەتپەيتىنىن ايتا كەتۋ كەرەك.