مەملەكەت باسشىسى باتىس قازاقستان وبلىسىنا جۇمىس ساپارى بارىسىندا قادىر مىرزا ءالى اتىنداعى مادەنيەت جانە ونەر ورتالىعىندا بولىپ، ونەر مەن مادەنيەت زالىن، كىتاپحانانى جانە مەموريالدىق كابينەتتى قاراپ كوردى، - دەپ حابارلايدى «قامشى» پورتالى اقوردانىڭ باسپا ءسوز قىزمەتىنە سىلتەمە جاساپ.
سونداي-اق نۇرسۇلتان نازاربايەۆ وبلىستىڭ شىعارماشىل زيالى قاۋىم وكىلدەرىمەن كەزدەستى.
قازاقستان پرەزيدەنتى الەمدىك ەكونوميكانىڭ جاڭارۋىنا عىلىمي جەتىستىكتەر مەن يننوۆاسيالار نەگىز بولاتىنىن اتاپ ءوتتى.
بىزدەر جانە جاس ۇرپاق مۇلدە باسقا قۇرىلىمداعى ەكونوميكانىڭ كۋاگەرى بولاتىن بولامىز. بۇعان ەڭ الدىمەن ءبىلىم ارقىلى دايىندالۋىمىز كەرەك. بالالاردىڭ بويىنا مەكتەپ ورىندىعىنان باستاپ يننوۆاسيالىق تۇرعىدان ويلاۋ قاسيەتىن دارىتۋ كەرەك. بولاشاقتا بۇگىنگى ماماندىقتارعا قاجەتتىلىك ازايادى. ويتكەنى، قازىرگى زاماندا عىلىم وتە جىلدام دامىپ جاتىر. ءقازىر باسقا سيپاتتاعى ءبىلىم قاجەت. بالالاردىڭ ەركىندىگى مەن شىعارماشىلىعىنا كوبىرەك مۇمكىندىك بەرىپ، بەلسەندى ويلاۋ قابىلەتىنە قولداۋ كورسەتۋ كەرەك، – دەدى ن. نازاربايەۆ.
شىعارماشىل زيالى قاۋىم وكىلدەرى نۇرسۇلتان نازاربايەۆقا جۇرگىزىپ وتىرعان تاتۋلىق پەن كەلىسىم ساياساتى ءۇشىن، ەلدىڭ ءتۇرلى ەتنوستارىنىڭ مادەنيەتى مەن داستۇرلەرىن ساقتاۋعا قاجەتتى جاعداي جاسالعانى ءۇشىن العىس ايتتى.
شىعارماشىلىق ءۇيى ادەبي-شىعارماشىلىق سيپاتتاعى كەزدەسۋلەر مەن كونسەرتتەردى، بەينەلەۋ ونەرى تۋىندىلارىنىڭ كورمەسىن، وبلىستىڭ جازۋشىلارى مەن اقىندارى شىعارمالارىنىڭ كىتاپحاناسىن ۇيىمداستىرۋ سياقتى ءتۇرلى شارالار وتكىزۋگە ارنالعان.
پىكىر قالدىرۋ