قازاقستان پرەزيدەنتى نۇرسۇلتان نازاربايەۆتىڭ سيرەك سۋرەتتەرى بار فوتوجيناق جاريالاندى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

"پرەزيدەنت: ەركىن راكۋرس" اتاۋىمەن شىققان كىتاپتا قازاقستان پرەزيدەنتىنىڭ سوڭعى ءۇش جىل بويىندا بولعان شارالارعا قاتىسقان كەزىندەگى فوتوسۋرەتتەرى جيناقتالعان. فوتوكامەرا وبەكتيۆىنە مەملەكەت باسشىسىنىڭ رەسمي كەزدەسۋلەرىندەگى ساتتەر ەركىن راكۋرسپەن تۇسىرىلگەن. بۇل فوتوجيناق مەملەكەت باسشىسىن باسقا قىرىنان كورۋگە مۇمكىندىك بەرەدى.  

اقوردانىڭ باسپا ءسوز قىزمەتىنىڭ وكىلدەرى جاساعان فوتوجيناقتىڭ ەكىنشى بولىمىندە رەسمي باق-تاردا جاريالانباعان سۋرەتتەر بار. 

"شاي ۇستىندە... جىل قورىتىندىسىن جاساعان كەز". بۇل سۋرەت فوتوجيناقتا وسىلاي سيپاتتالعان. سۋرەت وتكەن جىلى اقوردادا تۇسىرىلگەن. 

"ال، سەنىڭ كوستيۋمىڭ قازاقستاندا جاسالعان با؟". مەملەكەت باسشىسىنىڭ استانا اكىمى ادىلبەك جاقسىبەكوۆپەن جانە ق ر قورعانىس ءمينيسترى يمانعالي تاسماعامبەتوۆپەن تۇرعان سۋرەتى وسىلاي سيپاتتالعان. بۇل سۋرەت 2015 جىلدىڭ 1 جەلتوقسانىندا استاناداعى ۇلتتىق اسكەري-پاتريوتتىق ورتالىققا بارعاننان كەيىن تۇسىرىلگەن.

بۇل سۋرەت 2015 جىلى فرانسيادا تۇسىرىلگەن. نۇرسۇلتان نازاربايەۆ فرانسۋا وللاندپەن ەكىجاقتى قۇجاتتارعا قول قويۋ ءراسىمىنىڭ الدىندا. "ءوزارا تابىستى ارىپتەستىكتىڭ ءساتتى دامۋى مەن حالىقتارىمىزدىڭ دوستىعى ءۇشىن!". 

نۇرسۇلتان نازاربايەۆ پەن ق ر پرەزيدەنتى اكىمشىلىگىنىڭ جەتەكشىسى نۇرلان نىعماتۋللين. سۋرەت قازاقستان حالقى بىرلىگى كۇنىنە وراي ۇيىمداستىرىلعان مەرەكەلىك شارالاردان كەيىن تۇسىرىلگەن.  

بۇل فوتوگرافياعا بىلاي دەپ سيپاتتاما جازىلعان - "بارلىق قازاقستاندىققا ايتارىم: "Made in Kazakhstan" ءوزىمىزدىڭ وتاندىق تاۋارلاردى ساتىپ الۋ كەرەك". مەملەكەت باسشىسىنىڭ "قازجەڭىلونەركاسىپ-الماتى" جشس-عا بارعان كەزى.  

فوتوجيناقتىڭ ەكىنشى بولىمىندە مەملەكەت باسشىسىنىڭ باسپا ءسوز قىزمەتىنىڭ وكىلدەرى جاساعان "پرەزيدەنتپەن بىرگە وتكەن ءتورت كۇن" جوباسى ۇسىنىلعان. وسى سۋرەتتەر لەگى نۇرسۇلتان نازاربايەۆتىڭ ەلىمىزدىڭ قالالارىنا جاساعان ءتورت كۇندىك ساپارىن كورسەتەدى. №1 بورتىنداعى سۋرەتتەر ۇسىنىلعان.  

كىتاپتا فوتوجيناقتى مەملەكەت باسشىسىنىڭ باسپا ءسوز جەتەكشىسى داۋرەن ابايەۆتىڭ قۇراستىرعانى جازىلعان. ايگەرىم دەڭگىلبايەۆانىڭ جانە دامير وتەگەننىڭ سۋرەتى قولدانىلعان. فوتوجيناقتىڭ مىڭ داناسى شىقتى.