اقش-تا وگەي اكەسى اتىپ تاستاعان قازاقستاندىق جەتكىنشەكتەردى امەريكاندىق زيراتقا جەرلەدى، - دەپ حابارلايدى «قامشى» پورتالى Today.kz – كە سىلتەمە جاساپ. بۇل تۋرالى جۋرناليستەرگە ق ر بعم بالالار قۇقىقىعىن قورعاۋ كوميتەتىنىڭ ءتورعاسى زابيرا ورازالييەۆا مالىمدەدى.

"جەتكىنشەكتەردى اسىراپ العان انا لانانىڭ وتباسى بالالاردى (اعايىندى تيمۋر كوكتييەۆ پەن دامير ابدىراحمانوۆتى – اۆتور ەسكەرمەسى) ءوز وتباسىنىڭ مۇشەلەرى دەپ ەسەپتەيدى، بالالار ولاردىڭ نەمەرەلەرى، سول سەبەپتى نەمەرەلەرى رەتىندە جەرلەدى"، - دەپ ءتۇسىندىردى ورازالييەۆا.

سونىمەن بىرگە ورازالييەۆانىڭ ايتۋىنشا، قازاقستان ديپلوماتتارى اسىراندى بالالارعا ءجيى بارىپ تۇرا الماعان، ويتكەنى اقش-تا جەكە ءومىر قۇقىعى قاتى قاداعالانۋدا.

ەستەرىڭىزگە سالساق، قايعىلى وقيعا 26 اقپاندا بولدى. بەلفەير قالاسىندا (ۆاشينگتون شتاتى) 16 جانە 18 جاسار جاسوسپىورىمدەر مەن ولاردى اسىراپ الۋشى ايەل ەر ادامنىڭ قولىنان قازا تاپقان. تەرگەۋ مالىمەتتەرىنە سايكەس، وق اتۋشى كوز جۇمعان ايەلدىڭ 51 جاسار كۇيەۋى ديەۆيد ۋەين كەمپبەلل. ول وزىنە دە قول سلعان. ول قىتايدان اسىراپ العان 12 جاسار قىزىن دا اتقان. ءبىراق، باقىتقا وراي قىز ءتىرى قالدى. كەيىن ەر ادامنىڭ قىلمىستىق ءومىرى اشىلدى. ول مۇلىك ۇرلاۋ مەن جالعان قۇجات جاساعانى ءۇشىن ءىستى بولعان.

زابيرا ورازالييەۆانىڭ ايتۋىنشا، قازاقستاندىق قۇقىق قورعاۋ ورگاندارى ءىستى تەرگەۋمەن اينالىسىپ جاتقان جوق.

سونىمەن بىرگە ول،  اقش ازاماتتارى اسىراپ العان بالالارىنىڭ جاعدايى تۋرالى تولىق اقپارات بەرمەيىنشە، امەريكاندىق وتباسىلارعا قازاقستاندىق بالالاردى اسىراپ الۋىنۋىنا ماراتوريي قويىلعانىن ايتتى.