دۇنيەجۇزىلىك بوكس كەڭەسى وكىلدەرىنىڭ پىكىرىنشە، حالىقارالىق اۋەسقوي بوكس قاۋىمداستىعى (AIBA) كاسىپقوي بوكسشىلاردىڭ وليمپياداعا قاتىسۋىنا جول بەرۋ ارقىلى، جاي عانا قاتەلىك ەمەس، قىلمىس جاساپ وتىر، سەبەبى كاسىپقويلار مەن اۋەسقويلار بىر-بىرىمەن جۇدىرىقتاسۋ ءۇشىن دايىندىعى ءتۇرلى دەڭگەيدە بولادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«WBC جوعارى دەڭگەيدەگى كاسىپقويلاردىڭ ەشقايسىسى وليمپيادا ويىندارىنا قاتىسۋدى ويلامايدى، سەبەبى بۇل - وتە ءقاۋىپتى»، - دەلىنگەن ۇيىم مالىمدەمەسىندە.

«بۇل ماسەلە (كاسىپقويلار مەن اۋەسقويلاردى ارالاستىرۋ - vRINGe) تولىق تۇسىنىكتى بولمايىنشا جانە جارىس فورماتى ءقاۋىپسىز دەپ باعالانبايىنشا، WBC ءوز چەمپيوندارى مەن ۇيىمنىڭ بۇكىل ۇزدىكتەر رەيتينگىندەگى بوكسشىلارعا ريودا الداعى ۋاقىتتا وتەتىن ويىندارعا قاتىسۋعا تىيىم سالادى»، - دەپ ءمالىم ەتتى WBC شەنەۋنىكتەرى.

ەسكە سالا كەتەيىك، 2 ناۋرىزدا AIBA چينگ-كۋو ۆۋ ماۋسىمدا AIBA جارعىسىنا وزگەرىستەر ەنگىزىلگەن سوڭ  كاسىپقويلار ريو-دە-جانەيروداعى 2016 جىلعى وليمپياداعا قاتىسۋ قۇقىعىن الاتىنىن مالىمدەدى.