ءپۋتيننىڭ سيريادان باس تارتقانى، ارينە، باتىس ەلدەردىڭ، بىرىنشىدەن قۇراما شتاتتارىنىڭ، ديپلوماتيا جەتىستىگى.

1. اساد جانە وپپوزيسيا اراسىنداعى كەلىسسوزدەر ءدال بۇگىن جەنيەۆادا باستالماق. رەسەي اسكەري كۇشتەرى ونىڭ ءبىر كۇن الدىندا سيريادان كەتكەنى سول كەلىسسوزىندە اسادتىڭ پوزيسياسىن ارينە قاتتى السىزدىرەدى.

2. رەسەي كۇشتەرى سيرياعا وپپوزيسيانى جويىپ تاستاۋ ءۇشىن كەلدى، ءبىراق ماقساتىنا جەتپەي كەتىپ جاتىر. ارينە ول جەڭىلىس.

3. يگيلدى الساق - ول دا ءالى ءتىرى، بۇندا دا پۋتين جاريالاعان ماقساتىنا بارمادى.

4. ءتورتىنشى ماقسات - ەۆروپانى سيريا بوسقىندارىمەن ىشتەن جارىلۋ - جۇزەگە اسىرمادى. ەۆروپا بۇل پروبلەمانى اقشامەن شەشەتىن بولدى، - تۇركياعا 3،5 ملرد ەۆرو ءبولىپ، بوسقىنداردىڭ تولقىندارىن توقتاتاتىن بولدى.

رەسەي مەملەكەتى قاراجاتقا ءقازىر قاتتى شولدەپ تۇر). باتىس ەلدەردىڭ جەكە مەنشىك بانكتەرىنەن قارىزعا اقشا العىسى كەلدى. ءبىراق وعان قۇراما شتاتتارى جانە ەۆروپا تىيىم سالىپ جول بەرمەي جاتىر. ال سيريادا اسكەري كۇشتەردى ۇستاۋ ءۇشىن قالىن اقشا كەرەك. ول اقشا رەسەيدە جەتكىلىكسىز.

ەكى اپتا بۇرىن ساۋد ارابيا مەن باسقا اراب ەلدەرى يراقتىڭ شەقاراسىنىڭ قاسىندا ۇلكەن (150 مىڭ ساربازدارىن قولدانىپ) اسكەري جاتتىعۋدى وتكىزىپ ءبىتىردى. ارينە ول پۋتينگە اسەر ەتەدى. بۇنداي ۇلكەن سوعىسقا ماسكەۋ دايىن ەمەس. ال يادرولىق قارۋدى جۇمساسا، ول ءوزى ءوزىن ولتىرۋمەن تەڭ.

سوندىقتان رەسەي سيريادان باس تارتقانى ول باتىس ەلدەردىڭ، بىرىنشىدەن قۇراما شتاتتارىنىڭ، ديپلوماتيا جەتىستىگى دەپ ەسەپتەيمىن. كەلەسى ستانسيا - ۋكراينانىڭ دونباسىنان كەتۋ كەرەك.

مۇحتار تايجاننىڭ «فەيسبۋكتەگى» پاراقشاسىنان الىندى