مامىردىڭ 31ء-شى جۇلدىزىندا امەريكاندىق Microsoft  كورپوراسياسى تۇتىنۋشىلاردى جاڭا باعدارلامامەن قۋانتاتىندىعىن  مالىمدەگەن بولاتىن. ءبىزدىڭ كۇندەلىكتى جۇسىس جاساپ جۇرگەن  Windows 7  جوباسىنىڭ ورنىن ەندى Windows 8 Release Preview باساتىن بولادى. 2 ماۋسىمنان باستاپ كومپانيا جاڭا باعدارلامانى حالىققا تانىستىرا وتىرىپ، الەمنىڭ 131 ەلىنە تاراتۋدى باستادى. جاڭا ءونىمنىڭ قازىرگى كەزدە قولدانىلىپ جۇرگەن باعدارلامادان ارتىقشىلىقتارى وتە كوپ ەكەندىگىن جانە سەنسورلى پايدالانۋعا يكەمدەلگەنىن كومپانيا قىزمەتكەرلەرى جەتكىزدى. سەنسورلى قولدانىسقا اداپتاسيالانعاندىعىمەن قوسا پەرنەتاقتا مەن تىشقان ارقىلى دا قىزمەت ەتە الاتىن باعدارلامانىڭ 14 تىلدە جاسالعان ۆەرسياسى بار جانە تاراتىلۋدا.  كورپاراسيانىڭ جاڭا نوۋ-حاۋىن حالىققا تۇتىنۋعا مۇمكىندىك بەرىلگەن العاشقى كۇننىڭ وزىندە 1 ميلليوننان استام تۇتىنۋشى ءوز كومپيۋتەرلەرىنە جۇكتەپ العان. 

اتالمىش باعدارلامانىڭ ماڭىزدىلىعى جونىندە  Microsoft كورپوراسياسىنىڭ Windows جانە Windows Live ءبولىمىنىڭ پرەزيدەنتى  ستيۆەن سينوفسكي «Windows 8 Release Preview ءونىمىن جاساۋ بارىسى ءبىز ءۇشىن وتە ماڭىزدى» دەپ اتاپ ءوتتى. كەلەسى ايدان باستاپ كومپانيا قىزمەتكەرلەرى ءتۇرلى ۇيىمدارعا باعدارلامانىڭ  قىزمەتىن تۇسىندىرمەك.