«ارقانكەرگەن» شەكارا بەكەتىنىڭ سوڭعى شەكاراشىسى ءتىرى كۇيدە تابىلدى» دەپ حابارلايدى «ينتەرفاكس-قازاقستان».
«كەشە ول شەكارا بەكەتىنە ءوزى كەلدى. وزىمەن بىرگە تاپانشاسى بولدى. ونىڭ پسيحيكاسى بۇزىلعان سياقتى، مەڭىرەۋ قالىپ تانىتتى»، - دەپ جەتكىزدى اگەنتتىك دەرەككوزى. اسكەري قىزمەتكەردىڭ سوزىنە قاراعاندا، ول وسى ۋاقىتتار بويى جاقىن ماڭايداعى ۇڭگىردە جاسىرىنعان كورىنەدى.
30 مامىردا «شىعىس» شەكارا قىزمەتىنىڭ ايماقتىق باسقارماسى ءۇشارال شەكارا وتريادى «سارى بوكتەر» زاستاۆاسىنىڭ شەكارا جاساعى تاۋ اراسىنان جاز مەزگىلىندە 15 شەكاراشى قىزمەت ەتەتىن «ارقانكەرگەن» شەكارا بەكەتىنىڭ ورتەنگەن عيماراتىن تاپقان ەدى. وندا جانىپ كەتكەن 13 ادامنىڭ سۇيەگى تابىلدى. كەيىننەن تاعى ەكى شەكاراشىنىڭ دەنەسى مەن بەكەتكە جاقىن ماڭدا ورنالاسقان ورمان قورىقشىسىنىڭ ءمايىتى تابىلدى. وقيعا ورنىندا شەكارا قىزمەتىنىڭ ديرەكتورى، گەنەرال-مايور نۇرجان مىرزالييەۆتىڭ باسشىلىعىمەن جانە ق ر ءىىم-نىڭ باس اسكەري پروكۋراتۋراسىنىڭ وكىلدەرى مەن ماماندارىنىڭ قاتىسۋىمەن جەدەل ىزدەستىرۋ توبى جۇمىس ىستەۋدە.
پىكىر قالدىرۋ