بۇگىن تاۋەلسىزدىگىمىزدىڭ 25 جىلدىعى مەن الماتى قالاسىنىڭ 1000 جىلدىعى قارساڭىندا وتەتىن بيبىگۇل تولەگەنوۆا ۆوكاليستەرىنىڭ حالىقارالىق سەگىزىنشى بايقاۋىنا بايلانىستى جۋرناليستەر ارنالعان باسپا ءسوز جيىنى ءوتتى. 

كونفەرەنسياعا VIII حالىقارالىق ۆوكاليستەر بايقاۋى ءادىلقازىلار القاسىنىڭ ءتورايىمى – سسسر حالىق ءارتيسى، سوسياليستىك ەڭبەك ەرى، سسسر جانە قازاقستان مەملەكەتتىك سىيلىعىنىڭ لاۋرەاتى، اكادەميكا بيبىگۇل تولەگەنوۆا، رەسەي ەڭبەك سىڭىرگەن ءارتيسى تامارا نوۆيچەنكو، ق ر مادەنيەت جانە سپورت ۆيسە-مينيسترى عالىم احمەدياروۆ، «Samruk Kazyna Trust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياس قاتىستى. 

جيىندا بيبىگۇل تولەگەنوۆا: «بۇل بايقاۋ 16 جىلدا ۇلكەن دارەجەگە جەتتى. ءبىز ەشكىمدى ۇگىتتەمەيمىز. ءبارى ءوز قالاۋلارىمەن كەلەدى. بيىل الماتى مەن استانا قالاسىنان قاتىسۋشىلار كوپ. ادەتتە، ولار بەلسەندى ەمەس ەدى. قۋانىشتىمىز. تاعى ءبىر ايتارىم، ءان سايىسى تاۋەلسىزدىگىمىزدىڭ 25 جىلدىعى مەن الماتىنىڭ 1000 جىلدىعى قارساڭىندا وتەيىن دەپ جاتىر. بۇل جاس تالانتتاردىڭ جەڭىسكە دەگەن قۇشتارلىعىن ەكى ەسە ارتتىرا تۇسپەك»، - دەدى.

ق ر مادەنيەت جانە سپورت ۆيسە-مينيسترى عالىم احمەدياروۆ بايقاۋدىڭ ماڭىزدىلىعىن اتاپ ءوتتى. ال رەسەي ەڭبەك سىڭىرگەن ءارتيسى تامارا نوۆيچەنكو بايقاۋ دەڭگەيىنىڭ باسقا ەلدەرمەن سالىستىرعاندا وتە جوعارى ەكەنىن ايتتى. بۇعان دەيىنگى بايقاۋلارعا تۇراقتى قاتىسىپ جۇرگەن ارتيست قازاقستاندىق جاستاردىڭ زور داۋسى مەن تالاپشىلدىعىنا ءتانتى بولعانىن دا جاسىرمادى. 

«Samruk Kazyna Trust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياس قاتىسۋشىلارعا ساتتىلىك تىلەپ، ونەر مەن مادەنيەتكە قاشاندا قولداۋ كورسەتۋگە دايىن ەكەندىكتەرىن جەتكىزدى.

بۇگىن باسپا ءسوز جيىنىنا دەيىن اباي اتىنداعى مەملەكەتتىك وپەرا جانە بالەت تەاترىندا وتەتىن بيبىگۇل تولەگەنوۆا ۆوكاليستەرىنىڭ حالىقارالىق VIII بايقاۋىنا قاتىسۋشىلاردىڭ جەرەبە تاڭداۋ ءراسىمى بولدى. نەگىزى قاتىسۋعا 61 ادام ءوتىنىش جازعان. الايدا ءتۇرلى سەبەپتەرمەن كەلە الماي قالعاندار بار. جەرەبە تاڭداۋ راسىمىنە 53 ونەرپاز قاتىسىپ، تىڭدالىم كەزىندەگى رەتىن انىقتادى.

ەسكە سالساق، ىرىكتەۋ كەزەڭى جانە اقتىق سايىس جامبىل اتىنداعى مەملەكەتتىك فيلارمونيا زالىندا، ال اشىلۋ جانە جابىلۋ سالتاناتى اباي اتىنداعى مەملەكەتتىك وپەرا جانە بالەت تەاترىندا وتەدى. 

ءداستۇرلى تۇردە ۇيىمداستىرىلاتىن بيبىگۇل تولەگەنوۆا ۆوكاليستەرىنىڭ حالىقارالىق بايقاۋى تەك قانا ونەر سايىسى ەمەس. ول الماتى قالاسى مەن قوناقتارى اسىعا كۇتەتىن ءان مەرەكەسىنە اينالىپ كەتكەن. كونكۋرسقا 1984 جىلدىڭ 1 قازانى مەن 1997 جىلدىڭ 1 قازانى ارالىعىندا ومىرگە كەلگەن ونەرپازدار قاتىسا الادى. 

كونكۋرستىڭ باس سەرىكتەسى – «Samruk Kazyna Trust» الەۋمەتتىك جوبالاردى دامىتۋ قورى. ال ۇيىمداستىرۋشى – «ميراس» قوعامدىق قورى. سونداي-اق، ۆوكاليستەردىڭ حالىقارالىق سەگىزىنشى بايقاۋىن وتكىزۋگە الماتى قالاسى اكىمدىگى قولداۋ ءبىلدىردى